"Ate, nakita ko ang maleta mo sa kuwarto kaninang pumasok ako. Tama ba ako ng iniisip na hindi ka na babalik sa Maynila?"
Napalunok si Shayna. Nandito na sila sa Sala at manunuod Ng panggabing palabas pagkatapos nilang kumain ng hapunan. Tumingin din sa kanya ang mga magulang. Hininaan pa nga ng kanyang inay ang volume Ng TV upang marinig nito nang mabuti ang mga sasabihin niya.
"Umm, hindi na ako babalik sa dati kong trabaho, Reina. Lilipat na kasi ako ng papasukan," panimula niya.
"Lilipat? Bakit, anak? Nagkaproblema ka ba sa dati mong amo?" pagtatanong ng kanyang ama.
"Mag-aabroad na po kasi ang mag-asawa, Tay. Hindi naman po kasi nila ako pwedeng isama," nagsimula na ang paghahabi ni Shayna ng kasinungalingan.
"Ganon ba? Mabuti na lang pala at nakahanap ka agad ng bagong papas
