Napaigtad si Shayna nang makarinig ng ilang mahihinang katok sa pintuan ng kuwarto niya.
Gabing-gabi na. Sino kaya iyon? Bumalik kaya ang Ma'am Kaia niya? O baka naman si....
Nagmamadaling bumangon si Shayna at isinuot ang robe na nasa isang tabi. Mas mabuti na ang magtakip ng katawan at baka si Kaia ang bumalik at may gagawin na naman sa kanya. Kung si Carson naman, mahihiya na siya rito lalo at kung anu-anong inisip niyang ginagawa nito sa kanya kanina.
Tumatahip ang dibdib na inalis ni Shayna ang pagkakakandado ng pinto. Malakas siyang napasinghap nang mabungaran ang amo niyang lalaki na siyang kumakatok sa pinto.
"Hi, Shayna," bati nito sa kanya. Namumula ang mukha nito at amoy alak nga ito.
"S--sir... A-ano po ang ginagawa ninyo rito?" ninenerbiyos niyang tanong.
"I just wa
