"Make her work? Nagbibiro ka ba, honey?" tanong ng Dad niya sa Mommy niya na siyang nagbukas sa usapin ng pagpasok niya sa kumpanya ng mga ito.
Naririto na ang mga ito sa suite niya. Kumakain na sila ng Mommy niya habang magkaharap ang Dad niya at si Carson sa pag-ubos sa isang bote ng mamahaling alak. Nakainom na ang Dad niya at masaya itong nagbibida kay Carson nang buksan ng Mommy niya rito ang kagustuhan niyang magtrabaho sa kumpanya nila.
"Hon, hindi ako nagbibiro. Gusto talaga ni Kaia na magtrabaho sa kumpanya natin. Hindi ba, anak? Sige na, kausapin mo na ang Dad mo tungkol doon."
Tumutok sa kanya ang mga mata ng tatlo. Carson and her mom are telling her through their eyes na magkaroon siya ng lakas ng loob na magsabi sa ama niya. Her dad on the other hand was giving her the lo
