Lalong napangiti si Carson sa sinabi ni Shayna. Isa lang naman ang ibig sabihin ng sinabi nito. Pumapayag na ito sa inaalok niyang relasyon dito. Hindi agad-agad kaya kinakailangan pa niya itong ligawan.
Bakit ba nakalimutan niyang laking probinsiya si Shayna? Syempre, uso pa ang panliligaw roon.
"No problema, Shayna. Handa naman akong maghintay hanggang umoo ka na sa akin."
Nang may maalala si Carson ay lihim siyang napangiti. Masuwerte na siya kung tutuusin. Siya iyong manliligaw na nakahalik at nakahaplos na sa katawan ng niliigawan niya.
"Um, Sir... Ah, Carson pala..."
Napalingon si Carson kay Shayna. Nasa mga mata niya ang pagtatanong.
"Baka pwedeng lumabas ka na po? Hindi pa ako nakakabihis at baka biglang pumasok dito si Ma'am Kaia. Baka may iuutos siya sa pagdating ng mg
