"Shayna?" pagtawag ni Gelo sa atensiyon ni Shayna. Natulala na kasi ito.
Lumingon sa kanya si Shayna at tipid na ngumiti.
"Depende siguro sa mga sasabihin at patutunayan niya, Gelo. Kung sasabihin niyang hiwalay na sila ng asawa niya at Wala nang masasagasaan at masasaktan sa magiging relasyon namin, pwedeng mag-umpisa kami ulit. Pero kung hindi pa rin sila hiwalay at paghihintayin niya ako ulit, aayaw ako. Ayoko nang mapunta ulit sa sitwasyon na alam kong may kaagaw ako. Tama na iyong naging kasalanan ko noon sa asawa niya. Tama na iyong pananakit na ginawa namin sa kanya."
Kahit alam niyang may mga kasalanan sa kanya si Kaia, iniisip pa rin ni Shayna ang magiging sitwasyon nito kung sa huli ay siya ang pipiliin ni Carson. Ayaw niyang kalabanin ito. Alam din niyang hindi lang si Kaia
