Limang oras ang mabilis na nagdaan ngunit pakiramdam ni Shayna ay halos isang linggo siyang nagbiyahe. Napakabigat ng dibdib niya at kanina pa niya pinapagaan iyon sa pamamagitan ng pagluha.
Alam niyang magang-maga na Hindi lamang ang mga mata niya kundi maging ang mukha niya. Alam niyang kapag nakita iyon ng kanyang ina ay katakot-takot na pagtatanong ang gagawin nito sa kanya. Ngunit ano ang magagawa niya? Sobrang hapdi pa rin ng dibdib niya. Paulit-ulit na nagdaraan sa isipan niya ang larawang ipinadala sa kanya ni Kaia kung saan hubad silang magkatabi ni Carson.
Si Carson, ang kanyang among lalaki na sobrang minamahal niya na nagawa niyang isugal ang lahat dito kahit na malaking kasalanan ang ginawa niya dahil hindi na ito malaya. Minahal niya ito sa kabila ng lahat at hindi lang s
