KEYCEE'S POV “Hindi po kayo p'wedeng umalis. Bilin po ‘yon ng lola n’yo.” Hindi ako nagpapigil at dumaan ako sa gitna nila. Nagpatuloy ako sa paglakad dahil gusto kong makalabas sa gate kung saan naghihintay sa 'kin si Ace. Pero ramdam ko ang paghakbang ng dalawang bodyguards para sundan ako. Mabilis nila akong naabutan dahil mas mahaba ang biyas nila kumpara sa 'kin kaya't ang dalawang hakbang ko ay parang isa lang sa kanila. Humarang sila sa harap ko para pigilan ako sa pagpunta sa gate na ngayon ay malayo pa rin dahil sa sobrang lawak nang bakuran ng mansion. "Paraanin n'yo 'ko!" Kumaliwa ako para makadaan pero humarang ulit sila. Nang kumanan naman ako ay gano'n din ang ginawa nila. "Hindi po kayo p'wedeng umalis. Kami ang mapapagalitan," mahinahong sabi no'ng isa. Ramdam ko na ayaw