KEYCEE'S POV
Late ako ng ten minutes sa unang klase. Pagdating ko ro'n nagdi-discuss na si ma'am. Agad akong naupo sa upuan ko, nakagitna ako kay Marian at Jezza.
"Kumusta kayo?" bati ko sa kanila, pero mahina lang para hindi namin maagaw ang atensyon ni ma'am.
"Ikaw ang kumusta? Marami kang dapat ipaliwanag sa 'min mamaya," nakangiting sabi ni Jezza.
"Humanda ka dahil hindi ka namin tatantanan." Nginisihan pa 'ko ni Marian na lalong nagpakaba sa 'kin. Bakit gano'n sila makangiti? May ginawa ba 'kong mali o kahina-hinala?
Mabilis lang lumipas ang oras. Break time na kaya agad nila 'kong hinila palabas sa room. "Aray! Sa'n n'yo ba 'ko dadalhin?" Hindi ko mapigilan magreklamo dahil mahigpit ang hawak nila sa 'kin. Dinala nila 'ko sa garden na nasa tapat ng department namin. Walang mga e
