“Kunin mo na ‘yong mga gamit mo sa itaas para makaalis na tayo,” utos ni Jaiyana sa kaniya pagkatapos nilang kumain. Natutuwa siya na medyo marami ang nakain na ito at pinuri pa ang luto niya. “'Wag kang masyadong magmadali dahil baka madapa ka naman. Ayos lang kahit matagal. Ang importante, wala kang makalimutan.”
“Okay. Dito ka lang, ha?”
“Of course. Saan ba ako pupunta? Kung nasaan ka, kahit hindi mo ako nakikita ay asahan mong nasa paligid lang ako,” sabi nito. “Sige na, kilos na. Sina Aling Tasing at Mang Kanor ay nag-aalala na raw sa iyo kaya kailangan na nating sumunod sa kanila.”
“Sige. Hintayin mo ako rito,” sabi niya na sinagot nito ng tango sabay ngiti. Kagaya ng utos nito ay agad niyang kinuha ang mga gamit niya.
Hindi na niya dinagdagan ang mga
inempake niya dahil ayaw
