“Mag-impake ka na para makaalis na tayo,” utos ni Jaiyana sa kaniya. “Dalian mo dahil inaantok na ako.”
“Kahit ano'ng mangyari, ‘wag kang matutulog!” paalala niya rito. "'Wag mong ipipikit 'yang mga mata mo!"
Lahat ng madampot niya ay inilalagay niya agad sa maleta dahil nag-aalala siya rito. Kanina pa kasi nito sinasabi na inaantok na raw ito.
“Oo na.”
“Ikaw? Hindi ka ba mag-iimpake?”
“Tapos na.”
“Tapos na? Paano nangyari ‘yon? Eh, ‘di ba kanina pa tayo magkasama rito?”
“Nasa sasakyan na ang mga baril ko. ‘Yon lang naman ang mahalaga sa akin.”
“Pagdating natin doon, puwede bang ’wag mong ipapakita sa dalawang matanda ang mga baril na dala-dala mo?”
“As you wish, my master.”
“Hindi ako nagbibiro.”
“Hindi rin ako marunong magbiro,” seryosong sagot nito. Kapag napapatingin siya s
