“Hijo, may masama akong balita!” untag ni Mang Kanor sa kaniya habang nagluluto siya ng almusal nilang dalawa. Masarap ang naging tulog nilang dalawa kagabi matapos nilang mag-inom ng alak. “May mga dumating na malas, Hijo!”
“Ano po'ng ibig niyong sabihin?”
“Sina Tasing at Petra, nandyan sila sa labas ng gate!” taranta nitong sabi habang palinga-linga sa loob ng nabili niyang bahay na para bang naghahanap ito ng mapagtataguan. “Hindi nila tayo p'wedeng makita rito! Ano'ng gagawin natin?”
“Paano nila nalaman na nandito tayo?” takang tanong niya. “Hindi alam ni Yaya ang lugar na ‘to kaya nakapagtataka na nasundan nila tayo.”
“'Yon nga rin ang ipinagtataka ko, eh!” sabi ni Mang Kanor sa kaniya. “Diyos ko! Magugulo na naman ang mga kaluluwa natin dahil sa pagdating nila!”
“Sigurado akong
