“Gising na.” Nagulat si Jordan nang kurutin niya ito sa tagiliran kaya nakasimangot itong tiningnan siya. “Alas-onse na. Ano'ng balak mo? Pinapagising ka na sa akin ni Aling Tasing dahil kakain na raw mayamaya.”
“Jai, masakit ang ulo ko. Halos kakatulog ko lang.”
“Ano ba'ng ginawa mo?”
“Magdamag kasi akong nagtrabaho,” inaantok na sagot nito.
“Nagtrabaho o nanood lang ng pelikula?” Ang mga mata nito ay halatang antok na antok pa talaga. “Go. Check my laptop para maniwala ka.”
“'Di na, may tiwala naman ako sa iyo, eh,” sabi niya dahilan para ngitian siya nito. “Ba't nakangiti ka na naman?”
“Gusto mo bang tumabi sa akin?” tanong nito na may kasamang pang-aakit. “Tabi tayo. Sakto, malakas ang ulan tapos sinabayan pa ng malakas na aircon.”
“Tsk. Ang landi mo talaga,” sikmat niya rito.
