“Jordan, masakit ba talaga ng sobra ‘yang ulo mo? Gusto mo bang dalhin na kita sa ospital?” Napatitig siya kay Jaiyana dahil halatang nag-aalala ito sa kaniya.
Simula nang maaksidente siya ay lagi na talagang sumasakit ang ulo niya.
Normal naman ang CT scan niya kaya hindi niya alam kung bakit napapadalas ang pagsakit ng ulo niya nitong mga nakaraang buwan.
“Medyo okay na ako, Jai.” Kanina pa kasi ito nandito sa kuwarto niya at paulit-ulit na tinatanong kung ayos na ba siya. “Sige na, matulog ka na sa kuwarto mo. Mawawala na lang ‘to. Hindi naman na malala, eh.”
“Dito na lang ako matutulog sa kuwarto mo para mabantayan kita,” sabi nito at walang babala na humiga sa tabi niya. Nakipag-agawan pa ito sa kumot na gamit niya. “Matulog ka na.”
“Dito ka matutulog?”
“Oo.”
Tiningnan niya ku
