SINIKAP ni Raven na kalimutan ang nangyari. Pinag-usapan nila ni Andrew ang pagsapit ng araw ng date nila ni John Paul. Hindi siya nahirapang magpaalam dahil pinapayagan naman talaga siyang lumabas kasama ang mga kaibigan paminsan-minsan. Basta huwag lang gaanong magpapagabi at wala nang gawain sa eskuwela na kailangan munang tapusin. Alam nina Naynay Melinda at Maymay Belinda na si John Paul ang kasama niya pero hindi niya sinabi na isang date iyon. Nasisiguro na iniisip ng mga tiyahin na makakasama nila ang iba nilang mga kaklase katulad ng dati. Hindi niya gustong lokohin ang dalawang matanda pero ayaw rin naman niyang bawiin ng mga ito ang pagpayag na lumabas siya.
Sa mall na sila nagkita ni John Paul. Gusto sana siyang sunduin ng binata pero masyado itong mapapalayo kaya nagpasya si
