Lumipas ang mga araw.
Isang araw na day off niya ay lumabas siya kasama ang mga katrabaho niya. Matagal na nila iyong napag-usapan ng mga ka-team mates niya dahil madalas talaga silang maglakwatsa, mag-foodtrip at mag-inuman dahil halos lahat naman sa ka-team niya sa trabaho ay single ring kagaya niya. Minsan nga ay dumadayo pa sila sa medyo malayong lugar para subukan ang bagong bukas na kainan lalo na iyong may mga eat all you can. Tapos ay didiretso naman sila sa bar, o kaya ay sa bahay ng katrabaho nila para doon naman sila uminom.
Ganoon na ang social life niya simula noong magtrabaho siya bilang call center agent. Dahil na rin sa mga katrabaho niya ay natuto siyang uminom ng malakas at gumala kung saan-saan.
Minsan na rin siyang nag-try magyosi dahil mahilig magsigarilyo ang karam
