MINASAHE ni Andres ang sentido pagkatapos ng mahabang oras ng pagbabasa. He had been reading a lot of case studies of patients who suffered from chronic, unpredictable and progressive diseases on the central nervous system. Mula sa iba’t ibang panig ng mundo ang case studies at patient files. Hindi pa niya nasisimulan ang case studies ng mga pasyenteng sumailalim sa clinical drug trials.
Sumandal siya sa komportableng swivel chair. Siya na lang ang tao sa loob ng research lab. Ipinikit niya ang pagod na mga mata.
Pagkalipas ng ilang minuto, tumayo siya. Plano niyang kumuha ng maiinom pero natagpuan niya ang sarili na palabas ng pintuan. Sandali siyang natigilan sa labas. Sandaling pinag-isipan ang gagawin. Mayamaya, napabuntong-hininga siya at humakbang papunta sa gusto niyang puntahan
