“YOU SHOULD find yourself a date.”
Napatingin si Andres kay Astrid na hindi niya namalayang nakapasok na pala sa loob ng laboratory. May hawak itong tablet at salubong ang mga kilay. Nababaghan ang ekspresyon ng mukha nito. Pamilyar sa kanya ang ganoong ekspresyon ng mukha kaya naman ibinalik na lang niya ang tingin sa computer sa kanyang harap. Sinimulan niyang basahin ang kasunod na article.
Hindi naman nagpaapekto si Astrid sa hindi niya pagpansin. Ipinakita nito sa kanya ang isang larawan. Larawan niya na naglalakad sa hospital hallway habang may hawak na bulaklak. Alam niya kung saan nakuha ng kaibigan ang larawang iyon.
“Nakialam ka na naman sa CCTV feeds sa hallway?”
“You sneaked in her room.”
“I always sneak in her room.” Wala nang saysay na ikaila ang bagay na iyon. Hindi rin
