NAKATAYO lang si Maya sa tabi ng motorbike ni YoRi habang hawak-hawak ang dalawang pakwan na si YoRi ang bumili, hinihintay ni Maya na bumalik si YoRi matapos nitong magpa-alam dahil nagsabi ito na may gagawin lang ito sandali. Pero kalahating oras na ang lumilipas ay hindi pa bumabalik si YoRi sa pinag-iwanan nito sa kaniya.
“Nasaan na ba ang taong yelo na ‘yun? Sabi niya sandali lang siya?”ani ni Maya habang hinahanap ng mga mata niya si YoRi sa mga tao na nasa palengke.
“Saan kaya nagpunta ang isang ‘yun?” tanong pa ni Maya sa kaniyang sarili ng maalala niya ang nangyari kanina kung saan bahagyang nagkaroon ng gulo dahil sa anak ng mayor na sinubukan siyang pormahan, na pinahiya naman ni YoRi.
*FLASHBACK*
“Sino ka ba ha?!” singhal ng anak ng mayor na pilit man na kunin ang braso niy
