ALESSANDRA
Sa inis ko kay Philippe ay tinalikuran ko na lang siya. Naiinis ako sa pagiging mabait niya sa akin. Dapat nga matuwa ako dahil unti-unti ay binabago na niya ang sarili, pero naiinis ako dahil parang ang overacting niya sa pagpapakita ng kabaitan sa akin.
Pumasok ako sa silid ko upang magpahinga na. Mas pinapagod ko ang sarili ko sa kakaisip sa pagbabago ni Philippe. Pagkatapos maghilamos ng mukha at mag-toothbrush nagpalit ako ng damit pantulog.
Hinanda ko muna ang damit na isusuot ko bukas. Ayokong magmadali sa pagpasok dahil kailangang ihanda ang pagkain ng mga anak ko at gamit nila para sa school. Kahit naman may trabaho na ako kailangan ko pa ring asikasuhin ang mga anak ko. Hindi ko dapat iasa sa katulong o kay Philippe ang mga iyon dahil obligasyon ko pa ring asikasuh
