PHILIPPE
“Hindi ba weekend ang usapan ninyo ni Alessandra?” Bigla ay singit na sabi ni Gabriel. Hindi ko maiwasang mainis sa kayabangan ng lalaking ito. Akala mo ay may karapatan na siya kay Alessandra dahil tinutulungan niya ang mag-iina ko. Pumayag na si Alessandra na manatili ako rito kaya wala siyang karapatang makisawsaw sa amin ng asawa ko.
“Usapang mag-asawa ito kaya huwag kang makialam sa problema namin.” Mahinahon na wika ko. Kahit gusto ko na siyang taasan ng boses sa nararamdamang inis. Iniisip ko lang kasi ang mga anak ko at ni Alessandra. Ayokong nakikita nilang nakikipagtalo ako lalo pa at kakilala nila si Gabriel.
Hinarap ni Alessandra si Gabriel. “Mamaya na lang siguro tayo mag-usap, Gabriel. Kailangan kong kausapin si Philippe,” sabi niya kay Gabriel.
Nagtagis ang
