ALESSANDRA
Nang makita ko si Calixta ay hindi ko napigilan ang sarili kong pagsalitaan siya ng hindi maganda. Paano niya naaatim na sumira ng isang pamilya. Ang akala ko ay mabuting tao ang babaeng iyon. Wala rin siyang pinagkaiba kay Stephanie na puno ng kasamaan ang puso.
Hindi naman nagtanong si Philippe nang makauwi kami sa bahay. Hinayaan lang niya akong gawin ang trabaho ko sa kusina. Nagdadalawang isip ako kung sasabihin ko ang nalaman kong magkakilala si Stephanie at Calixta.
Napaigtad ako nang may pumulupot na braso sa beywang ko. Naamoy ko agad ang pabango ni Philippe. Hinagkan niya ang pisngi ko.
“Walang makakasira ng araw natin.” Makahulugang wika niya na alam kong pinatutungkulan niya ay si Calixta. Humarap ako sa kanya. Hinaplos ang pisngi niya.
“Wala naman talaga.
