PHILIPPE
Hindi ko inaasahang kauusapin ako ng kambal na panganay. Sa totoo ayokong pinag-uusapan ang kalagayan ko at ang nalalapit kong operasyon.
“Dad, alam na namin ang nalalapit mong operasyon. Pupunta kami ni Lessandro para samahan ka,” sabi ni Leandro. Tumango naman ang kakambal bilang pagsang-ayon.
“I am so sorry anak kung inilihim ko sa inyo iyon. Ayoko lang na mag-alala kayo sa akin at ayoko rin makaapekto sa moral niyo ang operasyon ko. Kapakanan niyo lang ang iniisip namin ng Mommy niyo,” sabi ko.
“Dad, we are family. Kung ano man problema ang dumating sa atin, kasama kaming mga anak mo para tulungan kayo ni Mommy sa paglutas ng problema. Hindi na kami bata para hindi maintindihan ang lahat. We were adults already.” Ani Lessandro. Bigla kong naalala ang kabataan ko noon. Hi
