رواية جحيم أثم

الفصل الثالث يوم الصعب

لتنظر اليه روان وتشعر بالخوف لماذا جاء هذا الرجل الى هنا وهل هو أثم بيه حقا ، ليقطع عزت افكارها ليتحدث : مالك يا ولدى دى روان بتساعدنى هنا فى القصر وبتابع مواعيد الدوا .

ليبتسم أثم ويجلس ويضع قدمه على القدم الأخرى ليقول بإبتسامه سخريه : يعنى انتى الخدامه الجديدة كنت لازم اعرف لما شوفتك علطول .

عزت بغضب : ايه الكلام دا يا ولدى .

أثم ببرود : هو انا قولت حاجه غلط ، استنى افتكرت انتى البنت الى جالولى ان اخوكى باعك بالفلوس تؤتؤتؤ معقوله فى اخ بيبيع اخته بس كويس انا كنت محتاج خدامه حلو كويس ان اخوكى عمل كدا انتى مش بطاله بردك .

لينظر له عزت بغضب بينما تقف روان خافضه رأسها ودموعها تنزل على وجهها لترفع يدها بهدوء لتمسحها وتحاول ان تتحمل اب*ع الكلمات تنزل على اذانها .

عمر بهدوء : لو سمحت كفايه يا أثم .

أثم ببرود: علشان خاطرك يلا روحى اعمليلى قهوة بسرعه مبحبش التأخير .

لتسرع روان وتغادر لتدخل الى المطبخ لتجلس على الأرض وتبكى بحرقه من كلام أثم الذى يبين لها الحقيقه انها مجرد خادمه باعها اخوها من اجل المال كانت تحاول ان تنسى لكن كلمات أثم جاءت على جروحها بشدة .

بينما نظر عزت الى أثم بغضب ليقول : انت اتجننت يا أثم اذاى تجول الكلام القاسى دا للبنت .

أثم ببرود : انا قولت مجرد حقيقه هى عرفاها مغلطش وفى الاول والاخر هى خدامه وبدفع فلوس لأخوها علشان تعمل الى انا عايزة مش جايه تتهنى هنا .

عمر بهدوء: حرام عليك يا أثم بجد حرام .

ليقف عمر ويغادر بينما ابتسم أثم بسخريه ليتجه عمر الى المطبخ لينظر بداخله يبحث عنها لينظر الى الارض ليجدها تجلس ساندة ظهرها على المطبخ تحتضن ركبتها وترجع رأسها الى الوراء ودموعها تسيل على وجهها ليتجه اليها عمر بشفقه ليردف : جومى معايا ، لتنظر له روان وتقف بخوف وتمسح دموعها ليبتعد عمر قليلا ليقول بهدوء : اهدى انا مش هعملك حاجه متزعليش من كلام أثم هو ميجصدش .

روان بحزن : عادى يا بيه كلام أثم بيه صح انا فعلا خدامه اخوها باعها .

عمر بهدوء: اسمعى اثم مش هيقعد فى القصر كتير احنا تلات ايام ونمشى ومش هتشوفينا تانى غير بعد شهور ومش هتسمعى كلامه دا انا اسفه نيابة عنه واحب اعرفك بنفسى عمر المهدى ابن عم أثم اسمك روان صح .

لتنظر له روان لتجده يبتسم له ابتسامه لم تراها من اخاها لتبتسم بتردد لتقول : ايوة اسمى روان .

عمر بإبتسامه: اتشرفت بمعرفتك يا روان لو تسمحيلى عايزة فنجان قهوة مضبوط ليا من فضلك ينفع .

روان بهدوء: تحت امرك .

ليبتسم عمر ويغادر المطبخ لتمسك روان دموعها وتبدء فى تحضير القهوة بينما اتجه عمر خارج ليقف فى حديقه القصر لينظر امامه ليجد فتاه تمسك معزة صغيرة وتحتضنها ليتعرف عليها ليجدها تلك الفتاه التى رأها مع روان ليتجه مسرعا اتجاهها ليخرج من بوابه القصر ويتجه اليها ليقف على مقربة منها ينظر لها وهى تحتضن المعزة الصغيرة وتلعب معها بطفوله لتشعر فريدة بأحد بجوارها لتنظر خلفها لتجد عمر يبتسم لها بهيام لترجع الى الوراء .

عمر بهدوء: متخفيش متخفيش مش هسرجها منك .

فريدة بإستغراب : انت مين .

عمر بإبتسامه: انا عمر المهدى .

فريدة بإستغراب : انت تجرب لأثم بيه المهدى .

عمر بإبتسامه: ايوة انا ابن عمه .

فريده بخوف : هو أثم بيه رجع البلد .

عمر بإستغراب : ايوة مالك خايفه كدا ليه .

فريدة بقلق على صديقتها روان لتقول مسرعه : وهتمشوا ميته .

عمر بإستغراب: احنا لسه واصلين ليه السؤال دا .

فريدة بصوت منخفض : روان ، ليسمعها عمر ويعرف انها خائفة على صديقاتها .

عمر بهدوء : اطمنى صحبتك كويسه متقلقيش .

لتنظر له فريدة بتردد فهى لا تعرف هل تصدقه ام لا لتردف بهدوء : شكرا عن اذنك .

ليمسكها عمر من كتفها قبل ان تغادر لتنظر فريدة الى يدة ليبعدها عمر مسرعا ليردف : اسف كنت يعنى لو ينفع اى وسيله تواصل مش علشانى ، علشان لو روان عايزة تكلمك او انتى تكلميها .

فريدة بجديه : لا شكرا انا لو عايزة اوصل لروان هوصلها بطريقتى سلام يا استاذ .

لتغادر فريدة من امامه لينظر لها عمر ويبتسم ليدخل الى القصر مجددا ليقف مصدوما ليجد روان تقف والقهوة على ملابسها وفنجان م**ور على الارض وأثم يجلس وينظر لها ببرود وعزت غاضب من أثم ويتحدث معه بقوة .

"عودة الى الوراء "

انتهت روان من تحضير الثلاث فناجين من القهوة لتأخذ نفسا عميقا وتمسح دمعه نزلت من عينيها وتحمل الصينيه وتخرج لتتجه اليهم وهى خافضه رأسها لا تريد ان تنظر الى أثم فعندما تنظر له تشعر انه سيحرقها بنظراته لتضع القهوة امامهم على الطاوله لينظر اليها عزت بحنان ليردف : تسلم ايدك يا بنيتى .

روان بهدوء: تأمر بحاجه تانيه يا عزت بيه .

عزت بإبتسامه: لا يا حبيبتى تقدرى تمشى .

لتلتفت روان لتغادر ليوقفها صوت أثم ليردف أثم ببرود : راحه فين مش هتقدمى القهوة ولا فاكرة مهمتك تحطى القهوة وخلاص معرفش الايامدى الخدامات ميعرفوش يشتغلوا صح ليه .

لتلتفت روان اليه وتتجه الى الطاوله لتمسك فنجان القهوة وتمد يدها به اتجاه أثم وهى تتحاشى النظر اليه بينما ينظر اليها أثم ويبتسم بسخريه ليمسك أثم فنجان القهوة ويضغط على يدها وهى تحمل الفنجان بقسوة لتحاول روان ان تبتعد لكن يد أثم تمسك يدها بقوة ليتركها فجأه لتبتعد روان وتقف على مقربه من عزت بينما ينظر لها عزت بشفقه وحزن ليردف أثم ببرود : نجرب بجا القهوة بتاعتك نشوف حلوة ولا ماسخه .

بينما تقف روان خائفه تريد ان تهرب من امامه ليرفع اثم الفنجان ناحيه فمه ويشرب ليبسق ما شربه وينظر اليها بغضب ليقف ويتجه ناحيتها ليردف ببرود : دى قهوة مضبوطه وانا طلبتها سادة كنت عارف انك هتتعبينى عندى فكرة احلى تشربيها بنفسك علشان تتأكدى ليرميها أثم على ملابسها وهى ساخنه ويمسك الفنجان ويرميه على الارض بقوة لين**ر بينما وقفت روان خائفه لا تشعر بسخونه القهوة من كثرة خوفها ليرجع أثم ويجلس مكانه ويضع قدم فوق قدم وينظر لها ببرود بينما وقف عزت بغضب ليردف : انت اتجننت يا أثم اذاى تعمل كدا انت ايه مبترعيش مشاعر حد انت تاخد نفسك وترجع على مصر احسنلك واحسنلى يا ولدى .

بينما دخل عمر وسمع ما قاله عزت ليتجه عمر اليهم قبل ان يقول أثم شئ ويجعل عزت يتخانق معه ليردف عمر بهدوء: معلش يا عمى حقك عليا روان روحى اوضتك .

لتشعر روان ان تلك الكلمه ارجعت لها الحياه ليوقفها كلام أثم ببرود : هتروح فين ومين هينضف ويشيل الفنجان الم**ور .

لينظر له عزت بغضب ليردف عمر مسرعا : انا ، انا هعمل كل حاجه ارجوك بقا كفايه روحى يا روان لتغادر روان مسرعه قبل ان يوقفها أثم ثانيه .

أثم ببرود : ماشى يا عمر اتفضل نضف انت انا طالع اوضتى .

ليصعد أثم بينما جلس عزت بنفاذ صبر ليردف : انا تعبت يا ولدى مش عارف اعمل معاك حاجه .

عمر بهدوء : معلش يا عمى معرفش أثم بيعمل ليه كدا ان شاء الله هيبقى كويس احنا ان شاء الله يومين ونمشى وحازم وعلى ممكن يوصلوا انهاردة او بكرا هنستناهم ونمشى .

عزت : تنوروا يا ولدى فى اى وقت لكن انت عارف قصدى ايه أثم يا ولدى ، تعرف تجولى الغلبانه دى عملت ايه علشان يجرح كرامتها بالشكل دا .

عمر بهدوء: عارف ان أثم بيغلط لكن مفيش بإيدينا حاجه تعالى يا عمى اطلع اوضتك استريح .

لينهض عزت مع عمر ويتجه الى غرفته ، بينما اوصل عمر عزت الى غرفته لينزل الى الاسفل ليجد روان ابدلت ملابسها وتنظف المكان ليتجه اليها ليردف : اسفه جدا .

لتقف روان وتردف بهدوء : عادى يا بيه انا اتعودت ، وكمان اثم بيه متنحجه يجول الى هوة عايزة ، اخويا الى لازم يبجى حنين عليا عمرة ما جالى كلمه حلوة يبجى الغريب هيجولها .

عمر بشفقه : مش عارف اقولك ايه .

روان بإبتسامه هادئه : متجولش حاجه يا بيه اتفضل اجعد فى الجنينه وانا هعملك جهوة بدل الى وجعت .

عمر بإبتسامه: موافق .

ليخرج عمر الى الحديقه لتنظف روان المكان وتذهب الى المطبخ لتحضر القهوة لتنتهى وتذهب الى الحديقه وتعطى القهوة الى عمر لتردف : اتفضل يا بيه عايز حاجه تانى .

عمر بإبتسامه: لا شكرا ، لتلتفت روان للذهاب ليوقفها عمر مسرعا ليردف : روان استنى كنت عايز اطلب منك خدمه .

روان بإستغراب: خدمه ايه .

عمر بتردد : صحبت الى كانت معاكى وقت ما كان أثم هيخبطك بالعربيه اسمها ايه .

روان بإبتسامه: صحبتى لتنظر الى عمر وتبتسم وتمثل انها تفكر وتقول : يا ترى كان اسمها ايه .

عمر بإبتسامه: قولى بقا يا روان .

روان بإبتسامه هادئه: اسمها فريدة .

عمر بهيام : فريدة ، هى فعلا فريدة طب معاكى رقمها .

روان بهدوء: لأه انا ممعيش تليفون .

عمر بضيق : يعنى اعمل ايه دلوقتى .

روان بإبتسامه هادئه: متجلجش هجبلك رقمها علشان انا متأكدة انك مش ذى أثم بيه .

عمر مسرعا : لأ مش ذيه انا بس معجب بيها وعايز اكلمها بس صحبتك شكلها مش طيقانى .

روان بضحك : معلش انت بردك غريب عنها .

ليأتى أثم على صوت ضحكها ليردف : برافو مضيعتيش وقت يعنى الى يشوفك من شويه ميشوفش الضحك دا .

لتقف روان مكانها بخوف ليجلس أثم بجانب عمر ليردف عمر بهدوء: روحى انتى يا روان .

لتغادر روان وهى تضع يدها على قلبها .

أثم ببرود: حنين اوى .

عمر بهدوء: أثم مينفعش كدا البنت غلبانه .

أثم ببرود: بلاش تنخدع بالشكل وبعدين انت فتكرينى مش ملاحظ انك عايز تكلم صحبتها علشان كدا الحنيه دى بانت .

عمر بغيظ: دا انت بارد يا اخى .

أثم ببرود: المهم حازم وعلى هيوصلوا امته .

عمر : اتصلت بيه وقالولى احتمال يوصلوا بكرا .

أثم بهدوء : تمام انا داخل اطمن على الحاج .

عمر : ارجوك بلاش تزعله .

ليتجاهله أثم ويتجه الى غرفه والده ليلاحظ ان الغرفه التى بجانبه مفتوحه قليلا ليستغرب ويتجه ناحيتها ليفتحها ليجد روان تقف ومعها مجموعه ادويه .

أثم بغضب : انتى بتعملى ايه فى الاوضه دى وبتسرقى ايه .

يا رب يكون البات عجبكم