"Tine, sigurado ka ba na ayaw mong tumira kasama namin ng Nanay ko? Paano ka niyan? Saan ka uuwi? Saan ka magpalipas ng buong magdamag?" sunod-sunod kong tanong kay Tine.
Matapos kasi namin kumain ng tanghalian ay nagpasama na rin ako sa kanya sa palengke para mamili ng mga gamit sa bahay sa bahay, mga damit, pagkain at iba pang mga pangunahing pangangailangan sa araw-araw.
Sanay na sanay siyang makipag tawaran sa mga tindera kahit pa sabihin kong hindi naman niya kailangan tumawad ng tumawad.
"Huwag mo na akong alalahanin, Ana Joy. Sanay na ako sa buhay ko. Ilang taon na kaya akong ganito. At mas gusto ko ang buhay ko dahil malaya ako. Malaya kong ginagawa ang lahat ng gusto ko na wala akong iniisip." Pahayag ni Tine.
"Pero babae ka? Hindi ka ba natatakot sa panganib na pwede mong k
