Gustuhin ko man na iwan na si Doña Dorina ay hindi ko magawa. Sobrang hinaplos ang puso ko ng awa matapos niyang magawang magsalita at kumapit pa sa aking damit ng magpaalam na ako sa kanya.
"Ana Joy, bakit ba hindi mo pa sinabi kay Sir Damian na may mga anak kayo?" kunot noo na tanong ni Tine matapos marinig ang kwento ko.
"Ana Joy, ginagalang ko naman ang desisyon mo na huwag akong magbabanggit ng kahit na ano tungkol sa triplets. Pero parang ang unfair mo naman sa mga bata at kay Damian na matalik kong kaibigan." Ang opinyon naman ni Trevor.
Narito na ako sa bahay ni Trevor. Pinatulog ko muna si Doña Dorina bago kami umuwi ngunit kailangan kong bumalik bukas dahil baka kung anong mangyari kay Doña Dorina sa oras na hindi niya ako kasama.
Oo, nagdesiyon akong huwag na lang ipaalam ka
