"Thanks God at ayos na ang lahat ng mga papeles na kailangan ni Mama sa paglipad namin patungong states! Konting-konti na lang talaga at gagaling na siya!" bulalas ni Ma'am Debborah habang hawak ang mga dumating na dokumento na kanyang pinaayos sa kanyang kakilala.
Masaya rin ako na makakaalis na sila pero tila nakita ko sa aking balintataw ang pagtangis ng mga anak ko. Naririnig ko ang palahaw nila habang tinatawag ang kanilang Lola. Ipinilig ko ang aking leeg upang iwaksi sa aking isipan ang nakakadurog sa puso na eksena.
Kailangan ni Doña Dorina na gumaling dahil at malaking tulong ang advance technology ng states sa kanyang mabilis na pag galing.
"Pero, paano kung makaalis si Doña Dorina at hindi na siya makita nina Dreau, Drei at Duke?" tanong ko habang kinakain ako ng sariling ko
