Ako lang ang pumasok sa silid kung saan isinasagawa ang ultrasound para sa mga buntis. Naiwan na sa labas sina Tine at Doña Dorina kasama ang ilan pang mga buntis at mga kasama habang hinihintay na matawag ang kanilang numero na hawak.
"Misis, humiga po kayo rito." Utos sa akin ng babaeng magsasagawa sa ultrasound. Hindi ko alam kung doctor ba siya o nurse.
Tumango naman ako at agad tinungo ang kama kung saan niya ako pinahihiga.
Dahan-dahan kong inilapat ang aking katawan sa malambot na higaan. Maraming aparato ang nakapalibot sa paligid. Unang beses kong sumailalim sa ganitong check-up kaya naman hindi ako pamilyar.
"Misis, pakitaas po ang blusa niyo at pakibabaan ng konti ang leggins niyo kailangan po kasi na nakalabas ang iyong tiyan." Utos muli sa akin ng babae na nasa twenties p
