Hindi na pumayag si Ma'am Debborah na umuwi pa kami ng mga bata sa bahay ni Trevor. Kaya naman matapos ang aming pamamasyal sa isang amusement park ay dito na kami tumuloy sa mansyon ng mga Zarrate.
Walang pagsidlan ng tuwa ang mga anak ko habang manghang-mangha sa mga magagandang bagay na nakikita sa paligid kanina ng nasa pamamasyal kami.
Hindi sila magkamayaw na tatlo sa kung ano ang unang pagmamasdan sa amusement park na may mga life size dinosaurs na aakalain mo talagang totoo sa ganda ng pagkakagawa.
Maging kami ni Tine ay nag enjoy sa aming pamamasyal habang kami ang umaalalay kay Doña Dorina na alam kung masayang-masaya dahil kasama niya na ang kanyang mga apo.
Pero wala na yatang mas masaya pa kay Ma'am Debborah na halos hindi inaalis ang paningin sa kanyang mga pamangkin. Wa
