"Ikaw pala ang nag-aalaga kay Auntie?"
Medyo napaigtad pa ako ng marinig ang boses ng lalaki sa aking likuran. Katatapos ko lamang hugasan ang plato, baso at kutsara na aking ginamit sa aking pagkain ng hapunan. Pinatulog ko muna kasi ang Doña bago ako bumaba dito sa kusina para kumain.
Humarap ako sa nagsalita at ang nakangiting si Trevor na naman
Alam kong umalis sila ni Sir Damian kanina bago mag tanghali dahil hinabilinan ako ni Sir Damian tungkol sa kanyang Mama.
"O-opo." Tipid kong sagot.
Naglakad palapit sa akin si Trevor at sumandal sa refrigerator habang nakamasid sa akin.
"Masyado ka naman pa lang magalang." Nakangisi niyang sabi at saka pinagkrus ang mga braso sa kanyang malapad na dibdib.
"Bisita po kayo ng aking boss ko. Natural lang po na galangin ko kayo gaya ng pag
