"Duke, bakit anak? May kailangan ka ba?" tanong ko kay Duke ng makita siyang nakatingin sa akin. Napansin ko mula pa kanina ay lagi siyang nakatitig sa akin. Narito ako sa silid nilang tatlo at pinalitan ng bago ang mga bedsheet at punda na kanilang gamit.
Kasalukuyan pa na nasa loob ng banyo ang kanyang mga kambal na naglilinis ng kani-kanilang katawan bago matulog ngayong gabi.
Atubili pa na tumingin muli ang anak ko sa aking mukha. Pati ang kung paano siya tumitig ay nakuha niya talaga kay si Sir Damian. Kaya paano nasabi ng aking amo na gumagawa ako ng kasinungalingan?
Ngunit bilang isang Nanay, ayokong pati ang hindi magandang ugali ay manahin niya kay Sir Damian. Ayoko siya na matuto na maging palasagot gaya ng kung paano niya sagutin si Sir Damian na ayaw niya rin itong maging T
