Matapos ang nangyari iyon ay lalong dumalang ang pag-uwi ni Sir Damian sa mansyon. Kadalasan ay umuuwi lamang siya para silipin si Doña Dorina at muli na namang umaalis. May mga inutusan lamang siyang mga tao para magdala ng kailangan namin tulad ng maraming groceries.
Ganun pa rin ang kalagayan ng Doña. Walang pagbabago sa kabila ng mga gamot na iniinom niya.
At Ako?
Kahit sa sarili ko ay hindi ko na alam kung kamusta na nga ba ako?
Pero gabi-gabi bago ako matulog ay dinadalangin ko pa rin ang kaligtasan nina Tito Hernan at ng kanyang pamilya. Sinasama ko na rin sa aking taimtim na panalangin na sana ay gumaling na din si Doña Dorina. Lagi ko rin naitatanong sa Itaas kung kamusta na ang kalagayan ni Nanay Biding. Kung nakaligtas ba siya o sadyang hanggang doon na lamang ang kanyang b
