Episode 26
Nagkukumahog akong maligo. Bigla na lang kasing tumawag si Sir Damian at nagsabi na may susundo raw sa amin ngayon ni Doña Dorina dito sa mansyon kaya maghanda na kami para abangan na sa ibaba ang mga susundo.
Ang baho ko pa naman dahil binungkal ko lang naman ang bawat lupa sa paso ng mga malalaking halaman sa hardin. Naghalo na ang amoy pawis at singaw ng lupa sa aking katawan at talagang malagkit na ang pakiramdam ko.
Mabuti na lang pala at wala na akong problema kay Doña Dorina dahil kanina pa naman siya naligo.
Alas nueve y media ngayong umaga ang dating ng susundo sa amin at alas nueve kinse ng tumawag sa landline si Sir Damian.
Kumuha na lamang akong ng isang disenteng blusa na kulay rosas at may naka print ng isang pangalan ng isang kilalang mamahaling tatak pero s
