"Boss, kailangan ko po kayong makausap."
Isa sa mga tauhan ni Sir Damian ang bigla na lang pumasok sa loob ng mansyon at halata sa mukha ang pagmamadali na makausap ang aming amo.
Narito kami ngayon sa sala at kasalukuyang nag-uusap ang magkapatid na Zarrate tungkol sa nalalapit na pag-alis ni Ma'am Debborah at Doña Dorina.
"Ano iyon? Siguraduhin mo lang magugustuhan ko kung anuman ang dala mong balita " Seryosong sagot ni Sir Damian at saka tumingin ng diretso sa lalaki na bagong dating.
Maging kaming dalawa ni Ma'am Debborah ay nahinto sa aming mga ginagawa. Kasalukuyan kong inaayos ang mga bagong pinamiling damit na naman ng aking babaeng amo.
Wala siyang tigil sa kung anu-anong mga binibili. Basta maisip niyang lumabas ng bahay ay asahan na sa kanyang pag-uwi ay ang hindi na mabil
