May kanya-kanyang tagabuhat ang mga anak kong tulog na tulog na ng umuwi mula kaninang lumabas sila. Hindi ko lang alam kung sa ice cream house nga sila talaga sila nagpunta.
Dala ng dalawang lalaking bodyguard si Duke at Drei samantalang si Trevor ang may buhat kay Dreau.
"Nakatulog na sila sa sasakyan sa sobrang pagod at antok," wika ni Tine na halatang pagod na rin dahil siguro sa kakahabol na naman sa tatlo niyang inaanak.
"Ganun ba talaga sila ka-hyper? Parang hindi sila nauubusan ng energy kanina sa playground. Mabuti na lang at nagyaya ng umuwi si Drei." Ang sabi naman ni Trevor na bakas na rin sa mukha ang pagod. Alam kong wala pa siyang pahinga lalo na at maraming naganap ngayong araw. May duty siya sa kanyang ospital ngunit nagmadali na puntahan si Sir Damian sa hide out para
