"Ana Joy, okay naman daw ang bahay natin. Tinawagan ko na ang barangay tanod na kaibigan natin." Imporma sa akin ni Tine. Dalawang linggo pa bago kami makakauwi sa probinsya dahil nga narito pa sa bansa si Doña Dorina at Ma'am Debborah.
Napakasama ko naman kung hindi ko pagbibigyan ang kahilingan ng Tiyahin ng mga anak ko.
Mabuti na lang talaga at mahal na mahal niya sina Dreau, Drei at Duke. Pero si Sir Damian ay hanggang ngayon ay walang pakialam. Madalas ay wala siya sa bahay pero kapag narito naman ay hindi lumalabas ng kanyang silid.
"Ano na ang balak mo niyan? Uuwi na ba talaga tayo?" tanong ni Tine habang tinulungan ako sa pagliligpit ng ibang laruan ng mga anak ko na nakakalat. Narito kami sa silid ng tatlong bata habang tulog na sila.
Napaisip ako sa tanong.
Ano na nga ba
