Camilla POV
Pagmulat ko ng mata ay napangiwi ako dahil naramdaman ko ang kirot na nagmumula sa hita ko. Pagtingin ko sa hita ko ay nakabenda na ito. Iba na rin ang suot kong damit napalitan na ito ng bestida. Hindi na ako nagtaka kung bakit narito na ulit ako sa kwarto. Dahil imbis na makatakas ibinalik niya ako sa malaking bahay. Pinilit kong makawala sa kanya nang makababa na kami sa kotse ngunit nagdilim ang paningin ko at nawalan na ako ng malay.
Akala ko makakatakas na ako. Akala ko makakabalik na ako kay Steven. Akala ko na-protektahan ko na ang aking sarili at ang aking magiging anak. Ngunit nagkamali ako, dahil nasa tabi ko ngayon ang lalaking utak ng pagdukot sa akin. Si Kade!
Galit na galit siya sa mga tauhan niya dahil nakatakas ako sa kanila. Lalo pa siyang nagalit dahil bin
