تأمل

2154 Words

#لم_تكن_خطيئتنا بارت 11 نورا ناصر اندكت بقوة اشو انه شلت دشداشتي وركضت حتى نعالي وكع من رجليه بالطارمه. يايمه انه كلش صايره. رحت للمطبخ صفا واكفة ع الطباخ جاي تطلع البيذنجان المقلي من الطاوه. رحتلها االلهث صفا صفيه صفوش روحي فتحي الباب لاشواق راح ت**ره على راسنه من كثر الدك. : ههههاي وانت ليش ماتفتحينه تخافين ماتوقعتج هيج افاااا والله سميه تخاف. : نجبي وروحي فتحي مااشتهي اشوف جهرتها. : مااصدك بيج شي والله ، المهم رايحه و انت كملي البيذنجان. : خوش بس روحي . راحت وانه تبعتها ووكفت اباب المطبخ استرق النظر شفتهم دخلوا ظليت اباوع على طوله اصلا نسيت امه ونسيت هي نفسها اشواق وعداوتها وكرها إلي مشيته كلها هيبه اتزان وماتخلوا من الانفه. رغم كرهي لامه وغرورها ويمكن هو وارث صفات الغرور منها بس انه تناسيت هيه تكون امه. وظليت اتامله الحد ما دخل للبيت من الباب الثاني. واشتميت ريحة حرك ركضت للطاوه البيذنجان مفحم تفحم. طلعته وذبيت غيره . واسمعهم طبوا للهول فتحت شويه من الباب وظليت اباوع . سمعت ابوي يرحب بي وبييبي تبوسه. وهو يسلم عليهم سحرني صوته رجولي وبي بحة. جاي اطل ومندمجه وماانتبهت اله على صفا وهي تدفر الباب وجان تطك كصتي فزيت لزمتها وعطت اخخ ض*بتها وعتني وتذكرت الباذنجان رحت اكلبه على الجهه الثانيه. اجت صفا ظلت تباوع للطاوه. : ولج هي شنو شمسويه محروك شياكله هذا. : معليج مابي شي ينوكل. : انت اكلي احنا ماناكله رايحة اضيفهم. تريد تروح كضيتهه من ع**ها كتلها شيسوون جايين؟ : جايين يخطبونج لرضوان . ...بقلبي كتلها انه اريد هذا. وبل**ني كتلها ماارييد مشكورررين. كالت روحي للطاوه ولج شنتعشا؟ راحت تحضر الهم عصير كتلها هم شيسوون جايين : جايين حتى امان يشوف بيبيتي وابوي يسلم عليهم صارله هواي ماشايفهم. بقلبي: اووي فديته صاحب واجب. كتلها اكلج هم يتعشون هنا. : شيتعشون بيذنجانج المحرگ يردون يروحون بس ياخذون بيبيتي وياهم. فتحت الباب وتريد تطلع وبيدها صينية بيها عصير صرت بنص المطبخ باوعت على الهول كبالي صار امان وبصفه ابوي وجوه بالكاع كاعدة رقية. لابس بدي زيتوني نص ردن رغم الدنيه بررد شهر 12 وساعه سلفر وبيده سويج سيارته من كد ما ركزت بي احس حتى عطره اشتميته وهو بعيد عني بكم متر المسافه بين مكاني بالمطبخ وكعدته بالهول. انسدت الباب ورجعت كملت البيذنجان الي نصه احترك مدري كله. وبالي ماادري وين. سمعتهم طلعوا وخذوا بيبيتي وياهم. اجت صفا: امداج ولايعتمد عليج بشي. عفتها ورحت للغرفة. امسح على كلبي وادعي مايوكع بالمحضور والممنوع. اغمضت عيوني كلمت نفسي لااني اقوه من هيج هذا مجرد اعجاب وينتهي باقرب وقت وان شاءالله مايتحول الى الحب لان اذا حبيته راح اتأذى. شي بداخلي يكلي لاتنسين الممنوع مرغوب. ازحت هالافكار عني حاولت اتلهى باي شي لزمت ملزمه وكعدت اقرا واقرا انه شجاي اقرا واصلا بالي وين خرررب هذه ملزمة صفا اي مب**ك عليج سميه اي لا نسيتي وزحتي عنج من دبش مبين من تشتتج وضياعج واكعه والوكعه مو سهله جن واكعه ابير عميق جدا. انه طول عمري لا اؤمن بالحب من اول نظرة وراح ابقى على ايماني راح احاول هذا مو حب وانما اعجاب اعجاب وخلص. حسيت على ايد تربت على كتفي باوعت رقيه وبيدها علبة تاشرلي مافتهمت عليها بس حسيت بيها تريدني افتحها اخذتها منها وفتحتها ورجعت خليتها بايدها بهاللحظه دخلت صفا كالت يلله عشا وبلحظة ثانية صرخت ولججج رقيه واخذت العلبه من ايدها صفا: سميه ياخبيثه ولج ليش تنطينهيا حقيرة هي غاليه علبة االاي شادو. : يووو شمدريني وبعدين ابوي ينطيج المصرف تشترين بي هي خرابيطج حتى الله مايقبل. : بصياااح ... بكيفي حريتي شعليج انت. سميه تهز بايدها صفا .. بانفعال وبلغة الاشاره ...رقيه هي مالتي لاتلعبين بيها عندج علب خلي منهم. رقيه بدون اي ردة فعل. صفا .. سميه لاتصيرين خبيثة الهالدرجه انت ماعليج مفهوم وبعدين شعندج كاضه ملزمتي شتردين تسوين بيها هي هم. : يووو شمرتها عليها بكل برود عبالك متبنجه ومااحس بشي. بالليل وبعد ما نام ابوي ورقية هم بقينه انه وصفا واتصلنا على امي. : صفا جيبي هو تليفوني وانه جبت الرقم انه احجي وياها بالاول. : لا انه جيبيييي. جاوبت وفتحت سبيكر حتى نسمعها اثنينه. هلو ماما شونج : هلا حياتي هلا بعد روحي منو صفا؟ : لاانه سميه. : هلا بالمهندسة ولج ماتصورين شكد فرحتلج من عرفت طلعت معدل زين. : الحمدلله انت شونج شون عايشه ويمته تطلكتي. ؟ : ماصارلي فترة، عوفج مني رقية شلونها والله طاگ كلبي على هالطفلة. : ماما ياطفلة راح تدخل ب18 سنه ولاتزعلين جان طگ كلبج عليهه وهي صغيرة من جنتي تعوفينهه عندي وتطلعين. : سميه هذا الموضوع انسي كافي مامليتي. : شون انسى والناس بكل مناسبة تعيرنا بي. : كافي سميه انطيني صفا احجي وياها :هي انه اسمعج فاتحين سبيكر شلونج يمه صفا بخير ماما انت شونج. زينه يروحي راح ادزلج شغلات بيد ابن خالج للكليه شون مكياج عندي الج يخبل. سميه: شنو عزلتي الصالون وضميتي الها هذا المكياج. : لايمه ماعزلته طلعت تسوكت وتذكرتها تحب المكياج وانت جبتلج سوار ذهب نازك وكلش حلو ادري بيج تحبين الا**سوارات الناعمه بس ماراح ادزه هسه خاف انطي لمروان يضيعه هذا الفاهي. سميه: سلامتج ماما ماانريد شي اهم شي تكونين بخير وتتصرفين صح. : اتصرف صح؟ ؟ : ايي. : ماعليج بحجي الناس تفسر كل شي على هواها. : لعد ليش تطلكتي من زوجج؟ : مامتفاهمين. : بس الناس تحجي حتى لابوي سامع شي. : الناس كل شي تحجي ومو ضروري حجيهم صح المهم ابوج شلونه ماناوي يتزووج. : لا مايريد. اماليد بحسرة : ايييه حقه عيني بس شعجب؟ : يكول چزت روحي من النسوان. : اي مو كتلج حقه يلله هسه لازم انام وراي كعدة من الصبح ونتواصل ان شاءالله منا وجاي ونتشاوف. : شلون نتشاوف بلله بعد الي صارر. ؟ : عمري مدام احنه تحت سماء وحده نتشاوف انه ماااكدر هالكد ابقى بعيدة عنكم راح اخلي خالكم جابر يجي يحاجي ابوج ويخليني اجي اشوفكم على الاقل. : ان شاءالله احنه هم نريد نشوفج. : يلا حبيباتي مامحتاجين شي بعد. صفا،سميه : سلامتج. مع السلامه. صفا: كمت من سرير سميه ورحت على جربايتي. تمددت باوعتلها:دمعت عيوني خطيه امي قهرتني،، : هي مال تقهر فعلا تقهر بس كل الي صار الها من ايدها. : سميه على كيفج وياها بالحجي تره خطيه لاتشوفينها ماتزعل منج تظلين تشمرين بالحجي. : هه تذكرين من جانت تكتلني اكثر وحده انكتلت انه ههه سواء من امي او ابوي. المهم خلي انام ورانه دوام. : اكلج شفتي امان شلون حلو وشلون يحجي. سميه: يمه فز قلبي من ذكرت اسمه وحسيت بالغيره علي منها. كتلها اي : يشبه علي عذاب. : اي ذاكه علي عذاب هذا امان عذاب : ههههاي وهم مايحجي مثلنه. : عدلت كعدتي سندت راسي بكف ايدي وع**ي على المخدة گتلها شلون يعني؟ : يعني يحجي بالدا وهم يخلي ضمه على الحروف يكول لابوي اشتغوول. : اي يعني يتبغدد بالحجي. : اي ليش ترك لهجتنا هو مو اصله بصراوي. : مو يكولون من عمره 15 عايش هناك اكيد تعلم يحجي مثلهم. : اي صحيح. : زين هو هسه شكد عمره. :،شمدريني كل مره تسالين على عمره. ولي خل انام كافي تحجين. سميه. بقلبي حجيت هسه اله تذكريني بي يا صفا اااف. قبل لاانام هواي فكرت بي ليش اليوم من شفته نسيت امه تصير اشواق ونسيت كل شي. الصبح گعدنا وجاي نبدل. جاي اللبس جواريبي وصفا تافاف شبيج من الصبح : لج شوفي رقيه شمسويه بالعلبه. : والله انت حلوة بلا مكياج لاتخبصين روحج حطي شي خفيف مثلي اساس ،مسكاره ،ومرتبه حواجبي ولون طبيعي ع الشفه وفضت وراحت. : بكيفي حريتي هي شما احط خلي احط معليج. : حطي بس مو اوڤر هيج. : مااعليج هي يوميه على هالسيرة هي اوووف ………… حتى اسلام كرهته من وره هالسالفه. : هه كرهتي هههه صدك تحجين؟ هيج الحب عندج تحبي بسهولة وتكرهي بسهولة. : مو كرهني بعيشتي اووو : يحبج على طبيعتج بس انت هيج تجبرينه يتصرف وياج هيج. : لا اجبره ولا يجبرني. : يعني شنو هسه نهيتي كل شي ويااا؟ ؟ اهلهل؟ ؟ :لا ماتركنه بعض بس يضوجني. : وانت جاي تتمكيجين حتى تشوفيلج بديل عنه ههههاي موووو؟ : انجبي سميه لو تدرين جم واحد صارحني وانه رفضت جان ماحجيتي هالشكل. : اووو شعليه خل اروح اتاخرت. مرت ايام الاسبوع بشكل عادي لكن نهايته ابد ماكانت عاديه. سواء بالنسبه الي او صفا والاهم رقية. الاربعاء حنة وعد ابن عمي سليمان وايناس بنت عمي المرحوم. بيوم الحنه العصر صفا: اكلج نروح لحنة وعد احلئ راح يجيبون مطرب سميه: لا ولج هسه كلهم هناك ملتمين حتى ماراح ناخذ راحتنا الولد راح يطبون ويطلعون. صفا: اووو هسه اله بيوم واحد يسووها. : شمدريني بعد هذه ترتيبات عمي سليمان اكيد. رتبنه ملابسنا وكل شي ورحنه انه وصفا رقيه من الصبح هناك راحت وي بيبي وابوي واحنه لان دوام ماكدرنه نروح الصبح. وصلنه والكل هناك شفت اشواق من بعيد وحاولت اتجنبها اذا هي بمكان اطلع منه. هوسه وتحضير عشا للموجودين. تعشينا وخلصنا غسلنا مواعين صعدنه للفوك غرفة امل زوجة ابن عمي انتبهت على تليفوني مابي شحن خليته ع الشحن. وبدينه نبدل لبست بدله ربع ردن قصيرة لحد الركبه بنفسجي غامق مكياج يادوب يبين مسكرة رموش وحواجب وحمره ورديه ع بنفسجي فاتح كلش. صفا ماخذها الواهس بالمكياج لبست بدله ماروني ساده طويله حوريه وردان طويل بس الاكتاف مفتوحه المكياج سموكي والحمره ماروني مات ومكبره شفتها طالعه حلوه حييل. الكل تعجب على جمالها نزلنه جوه انه لابسه بشت فوك البدله تحسبت وجود ولد بس صفا مالبست شي بس شال وغطت بي اكتافها. الكل نزلن اقارب عمه زينب خواتها وبناتهم ونسوان اخوها وبلش المطرب يغني احنا بالصاله وهم بالحديقه والولد طابين طالعين وعيونهم زايغه عطشت طلعت من الصاله صار بوجهي رضوان لابس قميص ابيض وربطه سوده بلا ستره وبنطرون اسود. فتح عيونه عليه عدلت شالي ودنكت تقرب مني كال : سميه هلا والله : هلا بيك رضوان شلونك ؟ : هسه صرت زين. : اوووو : ههه اكلج سي سميه؟ بس لا زعلين مني؟ : لا اطمئن. تقرب مني خطوات وانه ابتعدت. : تدرين انت حييل مميزة : لا ماادري. : انه اكلج ليس باعي الكل من يصيح اسمي يكول رُضوان اله انت تصيحيني رَضوان بفتح الراء. : حجيت بقلبي اوو هذا شكد مركز بيه حتى منتبه للهجتي كتله اي روضوان هذا مخليني مميزة عود؟ : وبعد سغلة ثانية اليوم كلهن عبالك دفاتر رسم ملونه بس انت طبيعيه. : اووو شكد مركز بيه لعد نصيحة لا تركز هواي مو زين عليك من رخصتك. عفته رحت للمطبخ صاحتني عمه زينب كالت : هاا ولج ادب سز صارلج شكد تلغين ويا وتكولين مااريده ؟ : اوو عمه هو سلم عليه ورديت . : هذا كله سلام؟ ؟ : اي صاحوا عليها وراحت طلعت من المطبخ شفت صفا: ولج سميه صدك ضوجه هنا حتى مااكدر اركص. : مو كتلج نروح لحفلة ايناس جان هذا الحايط يسمع انت ماتسمعين. : اووو تره رجوان وهجران راحن هناك ضاجن منا. امشي نروح. : خلي اروح اجيب تليفوني من فوگ. : خوش انتظرج هنا. صفا.. وكفت انتظر سميه تجيب تليفونها باوعت اسلام ياشرلي. رحت يمه سلمت عليه اسلام : ولج هي شنوو شطالعه تخبلين. : هههه خجلتني. تقرب مني رفع حاجبه ويعض شفته كال :ولج هذا شنو حلكج مال مممممم. ضحكت كال وهو ذايب وفوكاها تضحكين : اضحك لعد شتريد ارزلك ؟ : ماادري انت شتشووفين؟ : ماشوف عميه وبعدين انت شعندك هنا؟ ؟؟ : ولج بيتنه انترس نسوان شسوي باقي هناك جيت هنا. : اي احنا هم راح انروح لبيتكم ضوجه هنا. : اي بس مو تطلعين هيج. : راح اللبس عبايه لاتخبصني. : حتى وجهج غسلي هم : لا مااغسله عليمن. : ولج بره كله ولد لايشوفوج هيج. :اوووو لا تصير معقد كلش. : بعصبيه ولج شصير معقد هسه من باوعت لحلكج شون فكرت بي هيج راح يفكرون بيج. : اووو اريد انسحب من يمه لزمني من مع**ي صفا مسحي ويخزرني سحبت مع**ي قوي ورحت حاولت ابتعد من يمه قدر المستطاع. لبست عباية مفتوحه كوه تعديت من الولد والهوسه وطلعت بره البيت. سميه. صعدت فوك وراسا فتحت غرفة امل بدون ماادك الباب. تفاجأت شفته بالكيمونه رصاصيه عليها كتابة انكليزيه سوده فتحت عيوني على اوسعها وكتله اسفه. اريد ادور واطلع سمعته كال بصوته الرجولي المبحوح وكله تكبر. امان: تردين شي. اللتفتت شفته جاي يلبس بقميصه عدلت شالي كلت بارتباك بس محافضه ابين قوة شخصيتي. :بتكبر .. اي اريد تليفوني هنا بقى. وهو يريد يطلع ويدكم بالقميص كال فوتي. مر من يمي وعطره ترس ريتي. محاسه بهالشعور من قبل. دخلت سحبت تليفوني من الشحن وطفيت نقطة الكهرباء طلعت شفته جاي يمشط يم مرايه بالصاله الي يم الغرف الفوك. مشيت خطوات صرت يمه لان المرايه الي واكف عليها قريبه ع الدرج گال انت بنت خالو ايوب؟ باوعتله كتله شمدريك؟ : انت نفسج الي شفتج بالكليه مو؟ : اي نفسي : اي سالت امي من شفتج بلحظتها وكلتلي بنت خالك ماكو غيرها اكيد بنت خالو ايوب . يبووو بس لا كايلتله على ل**ني وعرايكي وياها. يوو خلي تكله اصلا مايهمني. كتله اي صحيح ونزلت جوه احس توترت كللش. واحس كلامه لهسه باذني وعطره بانفاسي ونظراته القويه تراقبني. اول مانزلت الدرج صار كبالي رضوان ونظراته ماحاجيته دورت صفا ماكو بالبيت كله شفت عمه زينب سالتها كالت شفتها لبست عبايتها وطلعت ايااا مخبلة عاف*ني خاف منتظرتني بره خلي اطلع بلله. طلعت ماكو صفا ظليت اسب واشتمها الحقيرة عاف*ني كلت بلكي الحكها لان ماصار هوايه مشيت وابتعدت عن بيت عمي شويه وصار الطريق شبه اظلم لان الاضويه بس مقابيل البيوت والمسافه متفاوته بين كل بيت والثاني. خفت كلش واصوات جلاب بعيده رعبتني حسيت خطوات ورايه صار الرعب اكثر انمدت ايد الي لزمتني وسحبتني من الشاارع متتتت دمي جمددد غمضت عيوني من الخووف والرعب واريد اعرف منو هيج سوا بيه. اجاااني صووته .... يتبع.

Free reading for new users

Scan code to download app

App Store Google Play

Facebookexpand_more