المغرور

2384 Words

#لم_تكن_خطيئتنا الفصل العاشر نورا ناصر. ياالله انصهرت وانه الثكيله عود. رحت يم صديقاتي :انصاف : امشن خلي نروح لكلية العلوم نشوف زينة سميه : هي زينه انه ماارتاح الهاا. : بالع** خوش بنية وحبابه. : مم ماادري كلبي مامرتاحلها. ايثار : بسبس شوفن هذا الحلو سميه : باوعت شفته نفسه امان وويا اشواق لابس نظارة شمسيه مادري ليش حسيت نظراته عليه. مادري العقل الباطن يوحيلي هيج لان عجبني. انصاف : ولجن هذا عسل سميه : اييه عسل وامه نحله وكرصتها تسمم ا تمووت الواحد بالمكان. ايثار : لج سميه هذا يمشي ويا عمتج. : اي جا غير ابنها. : ياا صدك ابنها : اي والله. انصاف : جذابه. سميه : ليش مااخذكم للعباس نحلف هناك ؟ فاتوا امان وامه ....ّ خلص اليوم ورجعت للبيت. تغديت ورحت تمددت. لزمت تليفوني اجه على بالي رضوان دزيتله هلاو على المسنجر. ماكو ماله ظهور. تغطيت ونمت شويه حلمت احلاام مخربطة وكعدت شفت صفا جايه وجاي يلغن هي ورقية بالاشارة. بقيت عيني عليهن بس نظراتي بالفراغ ومامركزه بيهم مترددة افاتح صفا بالي صار اليوم خاف ملامحي تفضحني بانو انه مهتمه اله وكل شي يخصه. بس مااعرف شون طلعت مني الحجاية كتلها اكلج هذا امان شكد عمره ؟ : ابن عمتي اشواق ؟ : ليش هو جم امان اكو ؟ اقصد جم اشواق اقصد هو المهم امان شكد عمره ؟ :شجابه على بالج اليوم ؟ : مو عمتج دزت عليه ورزالة ومناوشات وكذا ومن طلعت شفته وصاحتله بالاسم. :هسه عوفج منه عندي الج خبر اله بشدة. اخخخخخ. بينما صفا جانت تحجي وياي وعايفة رقية تأشر وحدها وهي من عوايدها اذا احد اتجاهلها تض*به او تمشعه او تعضه. فصفا حصلتلها عضه بزندها. وعاطت. اخذتها وطلعوا وهي تكولي بعدين اكولج شنو الخبر. خلتني محتارة. جيكت تليفوني ماكو روضوان لهسه. فتت على بروفايله فضولي يقرا الف ااريد اشوف بروفايل امان بللله. دورت بالتعليقات بمنشورات رضوان ماكو فتت على حساب رجوان دورته شفت حساب باسم امان سعيد بالانكليزي حاجي هواي وي خواته بالتعليقات شقه وسوالف وضحك ووحده اسمها فرح امين هم وياهم. كلت عشتو هالمغرور يضحك اشو من شفته خشمه واصل للسكف. دخلت اتصفح ببروفايله واباوع على صوره عنده هواي اصدقاء بنات وولد بقيت هواي اقرا تعليقاته وي خواته كلام حسيته كله حنيه ومبينه علاقتهم رصينة بس وي رضوان ولا تعليق ولا حتى صداقه. دخلت على بروفايل فرح اتذكرت مره سمعت ع اساس هي اله. فتحت صورتها الشخصيه مخليه نص وجهه لابسه شال وردي وطالعه خصله طويله من شعرها ونازله على طوول وجهه عيونها عسليه ووجها مليان ملينه دنفوشه نظراتها بارده هيج حسيتها. بعد ظليت اتصفح طلعلي بروفايل ابوها وامها ونوب صار بوجهي بروفايل اشواق كبل طلعت من كل شي وشمرت الفون. اوووو هسه اني شعلية بيهم وشدخلني لاتصيرين فضوليه سميه خلي اروح وره صفا واعرف شنو وراها. طلعت من الغرفة رحت للمطبخ. بيبيتي كاعدة بالكاع تنضف عدس رقيه ع السنك تجلف وصفا جاي تحضر على الكاونتر : ها شعدكم شراح تسوون صفا : شوربة عدس بيبيتي تريد : ها رحت تقربت من صفا كرصتها كتلها ولج شعندج شصاير اذا ماتحجين هسه اشوفلي شي واركعج باوعتلي وهي تلقي نظرة على بيبتي كالت ولج مو هسه بعدين باوعت لبيبيتي تباوعلنه بعين ونص صاحت شعدجن تتبسبسن هاا : ماكو شي زكية مو تردين شوربة عدس هسه يسوولج سحبت صفا من ردانها وطلعتهه من باب الحديقه ولج شنو احجي شعندج : ولج امي تطلكت : يوو من يمته ومنو كلج ؟ : مروان ابن خالي جابر هالسنة داوم مرحلة اولى كلية اداب شفته صدفة وسولفلي عن امي. : صدك ؟؟ : روحي هسه بيبيتي ظل تحجي : شعليج منها. دخلت وبيبيتي كاتلها الفضول تريد تعرف شنو عدنه زكية : اموت واعرف شعدجن سميه: انت بس لو تبطلين فضول جان احنا بخير : لا يا طايحة الحظ : انه طايحة حظ من يومي عفتهم ورحت للغرفه ومية شغله ابالي خلي اجرب احاجي ابوي بلكي يرجعها قريت لحد المغرب تذكرت اشواق تريد تجي تشكيني لابوي بلكي تجي وتجيب ابنها الصاك وياها ههههههي صلينه وصبينه عشا الشوربة كلش طيبه صفا عليها نفس بالطبخ كلش طيب. كاعدين بالهول كلنه وابوي ويانه وجاي نتعشه. صفنت على ابوي مااهتميت لكل شي مااعرف شون طلع الكلام من ل**ني كتله يابه امي اتطلكت حسيت بكرصه قويه كلش بفخذي من صفا مااهتميت الها. أبوي باوعلي بنظرة باردة ومو مهتم كال ادري بيها ورجع اكل لكمته. كتله منين تدري ؟ : مايخفى عليه شي وكلشي يوصلني. : ليش ماترجعها يابه. بيبي : شبيج سميه تخبلتي خلي ابوج ياكل لاتسدين نفسه. ايوب : وانت ماتدرين ليش تطلكت حرامات خليتها عايشه لو كاتلها هواي احسن. : يعني افهم من كلامك جاي تراقبها وتعرف اخبارها زين ليش ؟ : مااراقبها بس اخبارها توصلني وخليها ابالج تره جريمتها ماتغتفر لو غيري جان كتلها خلاص. : لعد انت ليش ماتزوجت لهسه شنو بعدك تحبها؟. نزل الخبزه من ايده ونكت كفه من فتات الخبز كال شتخربطين انت ولج من وراها جزت روحي من النسوان كلهن. : يابه رجعها وانه اضمنها. : وانت شنو وسدي الموضوع. وكام فتح باب الاستقبال وطلع بره وبيده الجكاير. اول ماطلع استلمني حتى رقية حست بيه ضوجت ابوي لزمت الخاشوكه وشمرتها عليه. زين ما حطوا راسي بجدر الشوربه لو شمروا عليه الشلغم المسلوك وهو حار ع الصوبه . بيبي : هي مساع جنتن تتبسبن بهاي السالفه طاح حظجن. صفا : ولج حقيرة ليش تكليله بعد التوبه اذا كتلج على شي مو امان انت سميه. سميه : امااان ؟ شبي صفا : يعني انت مو امينه ما تحافظين على السر. سميه بقلبي : انه نسيته وهي تذكرني بي بيبي : مخبلة اختج حتى عقل ماكو براسها السليمة تكله رجعها ولج شون يرجعها انه ماعولت الم شملهم بعد ما امج فركتهم تردين من جد وجديد تفركينهم. سميه : اووو شدعوه كليتوني يا جلمه ردي لمكانج وكمت غسلت و رحت للغرفه مااعرف شون طلع مني الكلام وكتلة رجعها جانت لحظة غباء او امنيتي بان نتجمع ويلتم شملنا كعائلة وحدة لكن هيهات والي ان**ر مايتصلح خذيت تليفوني شفت رضوان راد عليه دازلي هلا والله. : شلونك : هسه صرت زين : شنو معناهه هذي رضوان ؟ : مالها معنى بس لاتعصبين اليوم متذكرتني. كل مرة انه اسال واسلم شعجب. :امك ذكرتني بيك. : هاا شلون ؟ : صاحتني وسولفنه : ههههاي سولفتوا تقنعيني . : اي شبيك ؟ : اي وسولفتوا وشونها الهجمات والهجمات المرتده منو فاز على منو ؟ : هي شبيك رضوان صاير تحشش : مو ادري السلام بينكم معدوم. : وهذا منو يوصلك اكيد بيبيتي. : اي شكلتلج : تحملني مسؤؤلية طلعتك من البيت : اهاا. : انه المسؤؤله بنظرها وانت شتكول ؟ : انت تردين تسمعين مني كزوجة مستقبليه لو سنو. ورجع حط حرف ش بمسج ثاني طكيتها ضحكه خطيه حتى بالكتابه مرات ينسى حرف ش : كتله وانت شراح تكلي قابل اسرار دولة : ما سامعة البيوت اسرار : سامعه هسه معليه هي امك الربتك ومفروض ماتصير عاق وتتركها بحسرتها عليك. : منو كلج تاركها جاي ازورها كل شهر ودوم اتواصل وياها بس رجعة للبيت ماارجع مااحب احد يتدخل بحياتي وخاصة قرارات مصيريه انه مو طفل واعرف الي يفيدني من الي يضرني : يعني مو انه سبب طلعتك من البيت. :تسعين بالميه سببه انت. : حاولت اغير الموضوع كتله شفت اخوك اليوم. :وين شفتي وبعدين هما اخواني مو هنا ابغداد. : لا يمكن رجع : انت منو تقصدين ؟ : انت جم اخو عندك ؟ :عندي 3 : شنو اساميهم. : محمد واحمد وحسن اخواني من ابوي. : انه شفت امان ليش ماتعتبره اخوك ؟ : ابن عمي وابن خالتي الي ربوني وبس. :لعد انت مو تكول لامه وابو يابه وماما شون ماتعتبر هذا اخوك. :اكلج انت منو دازج عليه اليوم بس فهميني شجاب هالسيره هي هسه : اووي شدعوااك يلله باي طفيت النت كله وفوكاها يعصب ابو الاس. دخلت صفا مثل وحده عدها مداهمه. : ولج كلبه وين جان عقلج من كلتي لابوي عن امي ؟ : اووو ماراح نخلص من هالسيرة هذه اليوم ؟ اكلج مااخذتي رقمها منه : لا : اوو وجعاا كوون غير تاخذينه . : على باجر اخذه منه. بقينه نقرا وبعدها وقبل النوم خليت راسي ع المخدة اجه ابالي ابن اشواق شون هيبة وشخصيه وفوكاها مغرور ،رضوان شكد حلو وشكد رادني ماهز شعره مني هذا حييل جذبني زين هي مو كالت تجي تشكي لابوي مني جان اجت وجابت ابنها الصاك وياها تذكرت رضوان ليش تنرفز من جبتله سيرة امان نمت . الصبح كعدت تناوشت التليفون اتصفح بي قبل لااكوم من الفراش. شفت مسج من رضوان يمكن ساعه 3 بالليل ضحكت يمكن خليته يسهر طول الليل بسبب محادثة البارحه كاتبلي -سميه زعلتي. كعدت ادبرلي رد حتى اضوجه بي مثلما عصب عليه البارحه. كتبله. لا عليش ازعل انه ماازعل منك انت ابن عمتي المرحومه طبعا وبقلبي كلت مو النسره اشواق كملت المسج كتبت انت اخوي الي ماجابته امي . ودزيتها . نزلت من الفراش ورحت غسلت وتوجهت للمطبخ شفتهم كلهم مستعدين يردون يتريكون انه اخر وحده كعدت من النوم تريكنه رجعت نضفت اسناني غسلت ، وجهي ورحت اريد ابدل بالغرفه سمعت صوت مسج اخذت تليفوني مسج من رضوان كوه فهمته كاتبلي انت ليس هجي اشوين سميه طكيتها ضحكه وصلت لراس الشارع فزت صفا جانت جاي تبدل :خيرج ولج اجت يمي طلت بالتليفون ضحكت ولج هي شكايلتله انت وخليتي مايجمع ولج زين ماكاتب شميه ضحكت انه وهي باوعت للمسج صفا: اووي خطيه رحمي بحاله خطيه شمسويه بي : هي كوه وارحم بحاله مااحبه. شكالولج عني انيي مثل صفاوي ياهو الي تشوفه يحبها تشفق علي. راحت كعدت على السرير وحطت رجل على رجل وبدت تصبغ اضافرها كالت : اي انت بلا مشاعر انه مشاعري مرهفة : نجبي نجبي ختفيدج المشاعر خلي نشوف رضوان صارله ساعه جاري الكتابه يمكن ساحك هواي وجاي يعزل السينات وحد والشينات وحد. : ههههههاي ولج لاتعيبين عليه تره يطلع ابنج مثله هذا اذا مااهو يصير ابو ابنج ويطلع نسخة على ابو. : مااخذ ابن اشواق انه ويلله ولي. وصل المسج - يعني انه البارحه جنت كلش ضايج ومن راسلتيني احس كل همي انزاح تالي تضوجيني بالحجي. اووو صار رومانسي براسي كتبتله روح شوفلك وحده ماتضوجك بالحجي انه مافيدك رضوان. - سميه انه مااتسلى بالعلاقات واذا ردت اسوي علاقه اريدها جادة ، وانا موجود وراح انتظرج لحد ماتتحرك مشاعرج تجاهي حتى لو تتاخر . قهرني كلامه هواي متامل هسه اشفت بيه وجلبت ردته يكطع الامل مني ومايفكر بيه بعد بس احتاريت بالجواب من جهه مااريد اجرحه ومن جهه مااريد انطي امل كتبتله اعتذر رضوان مااعتقد راح يجي هذا اليوم . كتبلي عسى ولعلَ بس انه هم ماراح اضغط عليج. كتبتله رضوان تاخرت على دوامي باي -انه هم تاخرت بس سؤال امان هم حجه وياج ؟ - اي حجه وياي ليش تسال ؟ - هيج مجرد سؤال يلله الله وياج. سديت التليفون باوعت لصفا مخليه مكياج وطالعه تجنن . خربيومج ولج عروسه خما عروسه شهالمكياج كلش اوفر تره. : انت شحارك حمامج تردين حطي منو لازمج. : يمعوده انت رايحه تدرسين لو تعرضين روحج هسه حطي بس مو هالكد تارسه روحج ترس. : ماعليج روحي بدلي كبل لا تتاخرين. كملنه تبديل وطلعنه بالمطبخ بيبي جاي تاكل ورقية واكفه يم راس يبيبي وتاشرلها بيبي : صفا شتحجي اختج بس كليلي. صفا : بيبي تكلج كومي من المطبخ تريد تنضفه. سميه : جذب تكلج كومي كافي شكد تاكلين بيبي. : جذابه انت وين تعرفيلها سميه : انه كل شي اعرف. صفا : اشرت لرقيه كتلها رقيه لاتلعبين بمكياجي خوش تره هذا غالي عفيه اشرتلي جيبيلي مثله حلو ومايسيح بسرعه. بالاشاره والكلام كتلها : لا حبيبتي هذا غالي انت خلي من الي عندج سميه : ظليت اسوي حركات عشوائيه على وجهي واكولله رقيه حطي من عنده مالج علاقه هي فهمتني وبابتسامه سوتلي علامة الاوكي. صفا : اووو سميه لاتصيرين مكروها . بيبي وهي تاكل اللكمه : عادك هسه تموتنه على ماتروح. سميه : هسه انت كملي لكمتج بالاول وتالي احجي وبعدين انه كاعده على راسج انه بيبي غير يجي ابو الخط واصعد ويا وولي لكليتي. طلعنا انا وصفا اباوعلها تتلفت شبيج ؟ : اوو اباوع لسيارة اسلام بعدها هنا لج يخبلني من اطلع يزهكنيي ع المكياج واللبس : حيييل والله دواااج والله اعلم اذا تزوجتي شراح يسوي بيج. صفا : دك تليفوني صديقتي عفاف وياي بالخط مالة الكليه جاوبتها كالت : ابو الخط ماراح يجي علينه اليوم : ليش . : مريض كلش. : ها لعد شون ؟ : انه ابوي راح يوصلني انه وخواتي واتفقنا ناجر اخو مريم الي ويانه بالخط بس اليوم مالحكنه عليه طالع لدوامه . : ها وين بيتهم هذا ؟ : هنا بنفس المنطقه ماتشوفين مريم من تنزل يم بيتهم . : ماادري بيهه وين تنزل انه تجون عليه اخر وحده وانزل اول وحده. : اي المهم هو اخوها. : اي عاد صاك اخوها لا ملينه من ابو اكرم الشايب : ههههه شمدريني يللله باي . سميه : امداج راح تكبليبن ويا وتدورينه صاك هو سايق. ؛اي غير نصبح بوجه يفتح النفس اخابر ابوي يجي يوديني. سميه : وكبل لا يجي نضفي المكياج تره يمسح وجهج بالزوليه . : اووو ولازم ابدل هم . : حييييل سمعت صوت هورنات عرفته عبد الخالق عبالك مسوي عرس يم باب بيتنه ابن اللذينَ يخرع المايتخرع . طلعت .... صفا ....دخلت للبيت خابرت ابوي كال جاي مسحت المكياج شكد ضجت هواي تعبت من خطيته خليت شي خفيف. نزعت التنوره قصيره والبوت لبست غيرها بينصل وبيها شيالات سوده ومن وره فتحه وترانشوز . انتظرته اجه صعدت ويا كال بعدين هم اجي عليج ؟ : لا البنات شافوا خط لاخ : منوه هذا :اخته ويانه بالسياره ونفس الجامعه. : خووش. سميه • وصلت للكليه وأثناء الدوام اخذتني رجليني لكلية عمتي على امل اشوف ابنها مااعرف شنو جاي اسوي ضحكت على نفسي. رجعت ادراجي كضيتها صفنات على نفسي وتالي يا سميه واذا عجبج واذا حبيتي فرضا صار كلام بينه ياترى راح يلتفتلي يترك بنت عمه الشكره جنهه موزايه وينعجب بيه اني مجرد حمقاء غ*يه شون اوكع هالوكعه اريد اتلاحك نفسي وابعد عنها هالافكار ولاكانه شفته وحرمت نفسي اروح باتجاه الكليه الي تداوم بيها اشواق. صفا • خلص الدوام البنات خابرني كالن اجه السايق يلله رحت واشوفه نفسه فراس تفاجئت وصارت عيونه بعيون بعض نظراته كلها اعجاب. حاجيت عفاف هو هذا السايق اخو مريبم كالت اي صعدت بالسياره على طول الطريق هو نظراته عليه بالمرايه فراس اسمر مملوح متوسط الطول جسمه مليان شويه مهتم بنفسه كشاخ ومبين شخصيته قويه وصلنه للبيت. من اجت سميه سالتني على رقم امي. كتلها جبته بس والله ماانطيجيا هسه ابوي هنا جاي يتغده لايسمعج تخابرينها يسويلنه مصيبه بالليل انطيجيا . : نجبي مايحجي احنا هسه كبار مو زغار شفتي من كتله امي تطلكت حتى ماسال منين عرفنه . : كتلج بالليل ويلله ولي . : انه الج طايحة الحظ. سمية • بالليل كاعدين بالمطبخ لازمه تليفوني واندكت الباب صفا : سميه روحي شوفي منو ماشوفينه جاي نسوي عشه : كايمه. طلعت اشوف منو بالبدايه كلت اطل من ثقب الباب وتالي اصيح منو. طليت وجان اشوف اشواق وابنها امان يا جايبه ابنها الصاك وجايه بس لا تريد ترزلني وتكل لابوي عليه وكدامه شراح يكول عليه. واكفه يم الباب وافكر وجان تندك الباب بقوة . يتبع ....

Free reading for new users

Scan code to download app

App Store Google Play

Facebookexpand_more