ذل و إهانة ...
2812 Words
#لم_تكن_خطيئتنا
نورا ناصر.
ابويه …صاح سميووو بعلو صوته وكمل كلامه وهو يجي باتجاهي ض*بني ع راسي بيده صارت الض*به بطرف راسي حتى شالي رجع ليوره حسيت بالذل والاهانه وانوب يض*بني كدام منو؟ ! اسلام؟ ! اوف ماحسيت بالض*به بقدر المهانه.
كرهت ابوي واسلام وصفا بنفس اللحظه احس قلبي تحول الى كتله من الغل والحقد والكره.
ايوب ../ولج ليش تغلطين ع ابن عمج اكبر منج هااااه ماتستحين هيج انه ربيتج؟ !.
ورفع ايده يريد يكمل ض*ب .. رقيه جانت توها طالعه من البيت ..بسرعه اجت صارت بيني وبينه ومنعته يكمل ض*ب وظلت تاشرله وتلغي بلهجتها.
هو من شاف رقيه عافني ونزل ايده لان اذا شافت عنف تتأذى وتنهار اكثر من مره يعنفنه كدامها وهي تخرب.
گتله .. هو تجاوز على صفا واني رديته شنو يتجاوز عليها ابيتنه؟ !
صفا../ يابه جاي نتشاقه انه واسلام وسميه فهمت بالغلط …
سميه../طاح حظج كون …
ايوب../دخلي جوه يلله
دخلت انه وصفا جوه.
ايوب../اسلام شنو صاير ليش هيج عركه انت وسميه؟
اسلام ../ماكو شي عمو دخلت اريد اشوف بيبتي رجعت من بيت عمتي لو لا وجاي اشاقه ويا صفا وسميه فهمت بالغلط.
ايوب../يصير خير.
اسلام../عمي لاتكتلهن البنات تره الصار كله بالغلط وانه جاي اشوف بيبيتي.
ايوب ../بيتك هذا يمته ماتجي وبيبتك هسه رايح اجيبها.
اسلام ../ان شاءالله عمو من رخصتك محتاج شي؟
ايوب../ لا سلامتك.
طلع اسلام هو يمشي ويلتفت ع البيت.
وانه جنت مبدل واريد اروح اجيب امي بوست رقيه من راسها وايدها وهي تلغي وتاشر كتلهه دخلي جوه بالاشاره.
شفتهه دخلت صعدت سيارتي طلعتها بره رجعت سديت الباب ورجعت للسياره صعدت حركتها ومشيت
وافكر بسميه ول**نهه شون راح اسيطر عليها كلش عينها گويه وماتنحمل وراعية مشاكل.
سميه … دخلت للبيت ومنه للغرفه وبروحي نار نار
ماهدأت ولاانطفت طلعت الحرگه كلها بصفا واسفطها بيدي على ظهرها …
ولج انه يكتلني كدام اسلام اوف اوف والله ماابقى هنا بس خلي تجي بيبيتي واخابر اماليد واروح الها اخليها تطلعني منا.
صفا/سميه بس سكتي تره هو يشاقه دوم هيج نشاقه اني ويا.
سميه /انجبي تشاقه ام حلك ولج تظلين مدمغه ونوب تبرريله انت تعرفين شنو معنى هذه الكلمه تعرفين؟ ولج قصده انت مو شريفه.
صفا/ سكتت بس هي ماسكتت ولاسكنت عبالك ماكله ل**ن طير بس تكرك وانه هم سكتت بس كلش ضايجه من الي صار.
شفتهه سكتت وطلعت بره كعدت بالهول رحت وراها
باوعتلي رفعت حاجبها وبعدين خزرتني
كالت "كومي سويلي شاميه"
تدلل اختي اهم شي تهدأين
سميه /مااهدأ اذا مااطلع منا.
صفا /شطلعين تخبلتي؟ !
سميه /خلينه العقل الج ام الحب.
تحسرت وعفتها رحت سويتلهه شاميه هي تحبها وجيت كعدت يمها جاي تتف*ج فلم عربي اسمه "ابو علي"
كعدت يمها وبيدي ماعون الشاميه حبيت اللطف الجو
كتلها احلى شاميه لاحلى اخت وهي بعد شتريدين شاميه وطالع صاحبج كريم عبدالعزيز شكد تحبينه واكثر من مية مره شايفه هذا الفلم. !
سميه بامتعاظ /صاحبج ؟! شون اللفاظ عاابت،
لج اي هي قصص الحب التسوه واحد يعيشها مو اسلامج هذا المهتلف.
صفا/ ولج انت منين طلعتيلنه وشفتي وسمعتي شگال؟
:جنت يم شباك الهول وشفته يهمسلج من الحايط طلعت من باب المطبخ ولبدت وره شجرة اليوكالبتس وتسمعتله شيحجي الساقط شون يكلج هالكلمه لج هذا ابن عمج وعود انت شرفه هيج يحاجيج ويريدج ترحين للبيت وهو فارغ؟لو غريب شجان سواا ؟
احمد الله واشكره علاقتج وي اسلام مو واحد غيره جان انجرفتي للهاويه وصخمتي وجهنا! !
:سميه شجاي تحجين انت ماخذه عليه نظره كلش موزينه اختج بنت الجيران انه وتحاجيني هيج تره حرام عليج ووعد اسلام بعد مااباوع بوجهه وحتى اذا خطبني مااوافق. .
: حطيت رجل على رجل وكتلهه بعد احسن واحسنيين وتلاثه.
:انت ما تحسين بيه ولاراح تحسين لان ماتعرفين معنى الحب.
:مالكيتي غير هذا تحبي لو لان جوا ايدج ومو بعيد ويمته ماتصير فرصه ياخذج للبيت الظهر هيجي وقت ويمطك بيج …جنت منتجيه ع القنفه تقدمت ليكدام … كملت كلامي /لج هو لو يحبج صدك يجي يخطبج من ابوي مو كاضيهه ختلات.
:سميه مااسمحلج لج انه اختج ليش تحجين وياي هيج "بجيت " ولج اسلام يحبني وبنفس اليوم كلي اجيب امي ونجي بس انه خفت من هجران واجلتها على ما افاتحها بالموضوع.
: اي فاتحيها بالموضوع حتى شون راح تحاربج اشواق مثل ما حاربتني عمود رضوان يريدني وراح تفتح علينه ابواب جهنم.
صفا:زدت بجي.
سميه: سكتي صفا لاتبجين انه اريد مصلحتج وانت بكيفج مدام هو من هسه هيج وياج وره الزواج راح يظل بالطالعه والنازله يشك بيج وانت شونج عاد بسرعه تتقشمرين بكلمه وحده جنج امج بالضبط.
: نجبي وسكتي ولاتمثلين دور الام وياي بكيفي بكيفي شما اسوي بكيفي فاهمه اطلع ويا اطب ويا بكيفي موتييني.
:اظاهر انت مايفيد وياج العيني والاغاتي ولج غصبا عليج تطيعين كلامي لان هو الصح ولج كافي علينه صخام امج نوب تطلعينه انت ولج عنج عن هالخرابيط اجليهه بعدج زغيرة واخذي ثگل عيب وكافي لاتنطينه مجال لاتالي تندمين والله.
:ماناطيته مجال لاتجفصين بشي انت ماتعرفينه
ومالي خلكج رايحه للغرفه موتجين وراي.
:مدري منو انت واجي وراج الملكه الليزابيث تف عليج.
للمغرب اجت بيبيتي …
انه بس سمعت صوت ابوي رحت للغرفه وسويت اضراب.
اجت صفا للغرفه دخلت كالبه الخلقه.
كتلهه ها ابوي وين
ماجاوبتني.
عصبت مجاي احاجيج ردي.
ابوي بالهول يم بيبيتي ولاتسالين بعد مالي خلك احجي وياج.
ايباااه شعدهه الاميره ديانا رافعه خشمهاا.
هم سكتت، اي ندري بيج احلى وحدة بينه بس مو هيج ترفعين خشمج.
ماجاوبتني. رجعت تمددت وفكرت بيها انه قسيت عليها ومايصير هالشي.
خاف من صدك تنجرف وتسوي الخطأ وماتكلي.
كمت من جربايتي ورحت يمها مادارت عليه ابد
وخرت شعرها وره اذنهه بوستهه بخدها
:اختي الصاكه شبيها زعلانه عليه؟ فدوه تخبلين انت صدك حقه اسلام يتخبل عليج.
ضحكت ومعرفت سبب ضحكتها.
يمكن لان حسستها بجمالها لو لان جبت سيرة اسلام.
درت وجهه عليه ..
بلشت احجي وهي ولا كلمة ...دنكت راسها وتعصر باصابعها.
حياتي صفاوي انه احجي المصلحتج والله يعني انت كلش زين تعرفين امي والحجي الحصلناه من وراها والكل يعيرنا بيها حتى ابوج تخيلي حجم المأساة حتى ابوي يگلي بنت اماليد يعني شيقصد غير احنا مثل امنا وجاي يعاقبنه ع فعلتها وغير نظرات عمي وعمتي وولدهم تجاهنا ونوب تجين تترومسين ويا هذا ماعلمتي جائز يصورج شي.
جاوبتني.
:اسلام مايصورني مايسويهاا!
:ماشي مايصورج ،مايحجي لولد عمي لو عمتي على علاقتكم؟
:لا مايحجي وانه على يقين.
:شنو الي مخليج واثقة من هالشي؟
باوعتلي وعيونها كلها دموع كالت :
:يحبببني شبيج انت ماتصدگين.
:خلي يخطبج؟
:مااريد هسه انه وسدي الموضوع كافي اخذ اكثر من حجمه تره زودتيها سميه.
:اي مو انكتلت بسببكم اليوم
:ماجان اله داعي صياحج هذا خوش! انت الجبتيها لنفسج ويلله هسه اريد انام لاتدوخيني.
وغطت روحها …
:اكلج صفا بيبيتي وين؟
:نامت تكول تعبانه، رايحين للمقبرة.
دقايق **ت ودخلت رقية كعدت يم صفا تكعد بيها
اشرتلها اني شتردين؟ ظلت تاشر وتلغي ماافتهمت عليها
رجعت لجربايتي ورقية بعدها تلغي وتاشر.
سمعت صفا صاحت اخخ مشعتها من شعرها
سالت صفا شتريد؟
:تريد واحد يلغي ويسولف وياها وانه مالي خلك.
:ها …
رجعت راسي ع الجربايه وتمددت.
كامت صفا
:لج سميه حرام عليج تعلمي لرقه خطيه تريد احد يسولف وياها وانه هسه مالي خلك والله راسي مصدع من البجي.
:اي اختي الصاكه هو منو الي لازم راسه يوجعه مو انه الي حصلت صواب ع راسي من وراكم.
:كافي تره مية مره كتلج سدي الموضوع تدورين تدورين وترجعين عليه.
كامت وتربعت وظلن يحجن بيناتهن بالاشارة.
انه ممدده وافكر شون راح اخمط تليفون بيبيتي واخابر امي.
وشون احجي وياها الي بداخلي اصرار قوي اريد اخلص منا احس نفسي عايشه بسجن وجاي احفر حفره حتى اطلع منه يربي ساعدني مااتحمل ض*ب واهانات يربي شنو هو الحلو بحياتي مكدر اتحمل.
احس نفسي ضعت وغرقت بتفكيري عقلي تعب من التفكير.
انتبهت ع الهدوء الي ساد بكل ارجاء البيت
باوعت لخواتي نايمات ع نفس السرير.
كمت من مكاني سحبت اخذت رقيه خليت ايديه جوه اباطاتها وسحبتها وهي بسابع نومه.
وديتها ع جربايتها ولو ادري بيها هسه تنزل وتنام جوه سوله ماتخلص منها متعرف تنام ع مكان مرتفع.
طلعت من الغرفه واتلفت مااريد اشوف ابوي ابد
لسببين واحد منهم مااريد اشوفها معصبة منه ، والثاني خاف تفشل خطتي ومااخابر امي.
ظليت امشي ع اطراف اصابعي مثل حرامي ويريد يبوك بوگه.
وصلت للهول شفت بيبيتي نايمه ومتغطايه الضوه مشعول لان ماتنام بالظلمه والمكيف هم.
بقى ابوي شون اتاكد منه نايم بهالوكت
باوعت للساعه بـ1:00 حييل يمته صارت.
زين هسه اذا اخابرها من يكول لهسه گاعده
اخابر والله كريم …
بعد لازم اتأكد من ابوي
هو ينام بالديوان. صاير بابه ع الهول لان ماكو غرف مأهوله بس الغرفه الي انام بيها.
باوعت ع الباب شفته مردود دفعته بهدوء وحذر شفته متوسط الديوان ونايم غافي.
ركضت للبوفيه وظليت افتش ع تليفون شفته سحبته واني اركض دكيت الرقم وصعدت فوك .
جاوبت
هاا يمه شونج
سميه هي وينكم ظل بالي ولج ليش هالكد انت ماكو صاير شي؟ خواتج خو مابيهم شي؟ ؟
ماكو شي بس بيبيتي جانت يم بيت اشواق والتليفون يمهاا، يمته تجين تاخذينه؟
ولج سميه حضرتلكم غرفه انت وخواتج تخبل واشتريتلجن كل وحده تليفون وملابس وكل شي وانتظرج تتصلين وماكو ظل بالي يايمه.
اي مو كتلج بيبيتي جانت ماهيه هسه يمته تجين؟
باجر اذا صارت فرصه حاجيني اجي عليجن كون ابوج ماكو وبيبيتج شوفيلهه صرفه.
بيبيتي تنام وابوي يجي العصر مـــرات.
حلو خوش حجي حضريلي نفسج وحضري خواتج اعتمد عليج مو بنيتي.
اي، اي طبعا يلله هسه انه فوك وحدي واخاف باجر نتواصل.
يلله يمه مودعه بلله دبري بالج ع روحج.
ان شاءالله .
سديته منها ونزلت رجعت التليفون بمكانه.
ورجعت للغرفه المكيف يعلس ساعه يطفا ساعه يشتغل والجو رطب.
رقيه نازله من فراشها نايمه بالكاع.
اخذت فراش ورحت يم بيبيتي بالهول
تمددت والليل كله اخطط وافكر بباجر
حد ماا احس بدماغي ترس وثگل من كثر الافكار الي انملت بي.
نمت والصبح فزيت ع حركة ابويه ورقيه بالبيت
غطيتي راسي حتى لايشوفني.
وصلت لانفاسي الروائح جاي يسوون ريوك ريحة البيض والجاي الاحساس بالجوع سيطر على معدتي.
نمت جوعانه. كعدت ساعه 9 غسلت وتريگت
ورجعت للهول بيبيتي كاعده.
دخلت باوعتلي صفح.
الدبيره الجبيره ماتعرفين تسلمين تكولين زيارة مقبولة؟
اي زكيه شجايبتلي اذا جايبتلي شي حتى اسلم عليج وابوس راسج هم.
ولج شلاكيتني اطلع سواكه حتى اجيبلج فد شي.
لعد هذا هو مابيناتنه سلام.
امداج وامده تربيتج.
اجت صفا ورقيه جاي تمسح اطراف الهول.
كعدت بصفي.
صفا: اي بيبي خوش محبس هذا البيدج.
: الله يطول عمر عمتج اشواق اشترته الي ذهب هذا وثگييل."بفخر"
سميه: شعجب طلع منها شو طول عمرها ماتجيبلج غير الديرما والكحل كليلهه كافي لاتجيبلج لان الي بعمرج شبعوا ماي ورد بالفتحه الثالثه مايصير تحطين هي الشغلات بعد توبي.
:انجبي ليش تفاولين عليه بعدني بت البنات.
:ههههههيو قنعي روحج بيها هي.
:والله لو بيه حيل جان كمت مسحت بيج الكاع.
:شبيج زكيه عيني جاي نشاقه.
:ولج بعمرج انه تشاقين وياي هيه ادبسز.
صفا/الگلاده الي جابتها عمه اشواق لايناس تجنن.
سميه/اي طبعا مو محبة بيها تتلوگ لعمو سليمان خو ما مثلنه احنه شعدنه وتتلوگ لابوي! عمي سليمان مسؤؤل بالنفط ووراه واسطات وتعيينات لبناتها وجماعتها وحبايبها وايناس راح تصير جنته طبعا تتلوگله، ابوي شعنده خلك سايق ت**ي.
ام سليمان: ابوج مو جان بوضيفته وهلله هلله بس امج وسوايتها المصخمه لحستله عقله خلته حتى وضيفته يتركهاا وياخوفي منجن تصخمنه مثل امجن.
سميه: سكتت وتانيب الضمير سيطر عليه
حاجيت نفسي بقلبيي وانه اباوع لايدي المجويه وانهيها لاسميه لاتضعفين اليوم عليها ان شاءالله اليوم نطلع من هذا السجن.
ام سليمان: صفاوي عندي جم قطعة قماش بلكي تشمريهن ع الخياطه.
:هسه بيبي؟
:اي بيبي علواه هسه.
:ختصير بالعشرة خاف نايمين.
:جا خوش.
صفا.
صارت بـ 10:00 لبست عبايه اسلاميه مخصره ومن جوه كلوشه وباطراف كلوشتهه ذانتيل وحزام ع الخصر امي دزتها جسمي زين مو كلش ضعيفه وزني 60وطولي 158 بس سميه تكلي انت دبه
سميه اطول مني طولها 160 ووزنها 59 ماكو شي بينه مشترك ابد نختلف اختلاف فضيع ولاعبالك توأم انه بيضه هي قمحيه بشرتها .
جهزت رقيه وياي واخذت قطع قماش بيبيتي وگدراتها مية مره عادتها عليه مو تنسين تكليلهه اريد جيب ع جهة اليمته ولاستيك بالردانات وختسويهه ام الزخمه.
طلعت ومشيت انه ورقيه بينما جاي نمشي صار گبالي ولد شاب جاي يغسل بسيارة ستار** بالشارع
شافني وكف وظل يباوع ويدنك ويسوي نفسه يعصر بالوصلة اني اخذتني نظراتي اله لابس ترا**وت اسود وبيها ازرك ومشكله لحد قبل الركبة ووياه قميص ز**يل من النص هم اسود وازرگ شعره عالي شويه .
خجلت ودنكت هو دائما اشوفه من اروح للمدرسه ودائما يباوعلي باهتمام.
بس ابدا ماأسائلي او زحف او ابتسم او سوه حركه هيج بس يباوع.
الشارع مسوي كله ماي شلت عبايتي وفتت وسبيته بقلبي اله هنا تغسل ماكو مكانات كلت هوف بصوت مسموع وتعديت.
وديت الاقمشه للخياطه ورجعنه شفنه جاي يشفط الماي من الطريق والسياره مدخلها جوه شافني من بعيد عيونه اللتمعت ابتسم ودنگ ودار يمكن خجل مني خليت ايدي ع حلگي وظليت اضحك.
وصلت للبيت صار اسلام كبالي اريد ادخل صاحني
رقية دخلت وانه وكفت
شتريد اسلام
اريد احجي وياج شبيج
بعد مابينه حجي ع الحجايه الكلتهه اشكبرها بحقي هو هذا احترامك الي بلله؟
تره بالشقه ليش انت دومج تغلطين عليه مو تكولين انجب وعابتلك وامداك ولا مره زعلت رغم اضوج كلش منج.
اي اكولهه بعفويه انسى نفسي وياك وهي ماتمس الشرف وانت من اكلك هيج بالغلط تعصب وتكلب الدنيه ونوب تكلي تعاي يمي بالبيت ووحدنه.
جنت محضر الج مفاجاه حتى ايناس وامي جانن متواجدات بالبيت مو جان عيد ميلادج؟ بس انت افكار سميه مسيطره عليج هي التوزج عليه تره سميه تغار منج انت احلى منها وانه احبج اكيد تحاول بكل الطرق حتى تضرج.
مااريد تحجي على اختي تقبل احجي ع اختك وسميه مو مثل ماتكول انت
سميه حيه من جوه التبن لاتقارنيها وي ايناس وبرائتها. وانه اكدر اخطبج بدون مااخذ رايج بالموضوع وانت بت عمي حتى اكدر انهي عليج.
والله بهي سوالفك راح تهججني منا شنو تنهي عليه.
لج شبيج وين تهجسن هسه شسوينه
والله اروح يم امي احسلي.
شحدج ترحيلهه مااباوع بوجهج بعد.
لاتباوع ودخلت جوه.
اسمعه وراي يصيح صفا صفا مااهتميت بس ميته قهر يعني هو الوحيد الي تذكر عيد ميلادي حتى امي ماتذكرته يربي شهالحظ.
دخلت للبيت شفت بيبيتي كعدت يمها تحجي تحجي مااسمعها احس ظلمت اسلام هوايه.
رحت يم سميه حجيتلهه ع الولد ظلت تباوعلي صفح انت ماتجوزين. 24ساعه
تباوعين ع الولد.
:هي فوكاها بعد عود جاي احجيلج انه صوجي والله افتح كلبي الج.
:يابت الناس شيلي هالخرابيط من راسج واثبتي للناس انت مو مثل امج.
ع طاري امج تره اليوم نشلع.
شنوو وين نروح؟ ؟
نروح يمها اذا ترحين حضري نفسج
عفتها رحت اكدت على امي تجي اليوم.
صفا :- اكلج بيبي هذول الناس الي بيتهم يم المحوله وعدهم ستار** منمه وشيسمونهم.
-بيبي هذول بيت ابو فراس.
-هاا
سميه: وانت ليش اسالين؟
صفا:شنو؟ حرام نسال؟
:اي حرام
:حرام بالدرام واذا عيب فهو بالجيب وسلامتج.
سميه: اخذت صفا ع غير صفحة وخليت ايدي ع الحايط
هاا شقررتي؟ تروحين
ماادري وابوي خاف ياخذنه غصب ومن نرجع يذ*حنا
لا مو بكيفه اكو محاكم واحنه نكدر نختار امنا نعيش،وياها ولج محضرتلنه غرفه تجنن وتليفونات وملابس وراح تشبعنا طلعات ووو.
شفتها صفنت.
كالت ورقيه؟
ناخذهه ويانا.
تغدينه وخلصنه وبيبتي غطت بنوم عميق وصوت شخيرها لباب الشارع وصل.
دعيت الله ماايجي ابوي بهالحظه وكل شويه اباوع لجوية ايدي حتى لا اضعف واتراجع واستسلم اني وين رايحه قابل رايحه لامي.
لبسنه وكملنه خابرت امي وانطيتها الضوء الاخضر
كالت طلعوا جايتكم.
صفا لبست وكملت بس خبلتني تريد تبقى ماتروح وبيتها ع بيت عمي المرحوم وجنت حاسه بمشاعرها بذيج اللحظه شنو. ؟
سمعنه هورن معناهه وصلت جنت خايفه لاتطلع مو هي.
لزمت ايد صفا وانخبصت ولج رقيه وين كبل لاتكعد بيبيتي.
صفا:ماادري
طلعنا من باب المطبخ كلت بلكي بالحديقه شفتها جاي تغسل تواليت الخطار.
راح يعم عليج هالتنضيف بيوم ولج حتى خطار مايجينه وينتلف.
رحت جريتها من ايدها اريد اوصل للباب الرئيسي مااكدر احس دكات كلبي الف والمسافه صارت بعيده وكلبي يدك طببل.
خمطت خواتي مثل البايكله بوكه وطلعنه شفت امي بسيارة كاعده كدام حييل صار هواي مشايفتها
اشرتلنه صعدن صعدن
صعدنا وانطلقت بينا.
صفا/باوعت لبيت اسلام تمنيت املص ايدي من ايد سميه واروحله تمنيته يطلع بهاللحظه وافكر بكلامه بس صارت بعد ودخلت بالسياره وكلماته ترن باذاني اذا رحتي لامج بعد مااباوع بوجهج بعد وصل صدى هالكلمات لقلبي وقطعته اوصال نزلن دموعي فززني صوت السايق
شسالفه غير تفهمونا شنو يمعودين وضعكم مريب وماعاجبيني.
اماليد: هذن بناتي وابوهن مايقبل اشوفهن واندارت علينه شلونجن والله ميته على شوفتجن مامصدكه انتن كبالي
السايق /رجل كبير وقد بدا عليهه الحكمه والوقار والصوت الجهوري.
يعني انت هسه اخذتيهن بدون مايدري؟
:اي عيني مو اكلك حارمني منهن!
:اي بس اكو تفاهم مو هيج تاخذيهن هسه يظل بقلق عليهن.
تجاهلته اماليد واندارت على البنات الي كاعدات وره مرعوبات وخايفات من المجهول وبينهم طفلة **اء بكماء ماتعرف شنو الي صار وليش هيج تصرفن اخواتها لكن فرحتها
بشوفة امها طغى ع كل تسائل!
الي ماتعرف شنو امها وشنو خطيئتها وليش تفرقت عنها.
اماليد:صفا ماما ليش تبجين.
:بغصه 'ماكو '
اماليد:رقية حياتي كبرانه مشتاقتلج حييل.
وانت سميه حياتي عاشت ايدج نقذتي اخواتج انت شجاعة عمري.
سميه: وصلنه لبيت اول مره نشوفه.
اماليد: بنات راح اخليكم عند صديقتي بس كم يوم حتى لايندلكم ابوكم ويجي ياخذكم هنا امن الكم.
تعالوا اشو خل احضنكم فدوه.
دخلتنه للبيت بقينه يم صديقتها ايام معدودة وبكل لحظه اتوقع ابوي يجي علينه وياخذنه وينفذ بينه حكم الاعدام. لكن مااجه هاليوم ،
بعدها اجت امي واخذتنا بت**ي نزلنه لبيت ثاني كالت هذا بيتي.
دخلنا احنا ال3 ومانعرف شنو منتظرنا جوه ومااندري اخبار ابوي وشون تلقى الخبر.
اول ماف*نه صار كبالنه رجال احمراني وضخم اصلع وكررش عنده.
يباوعلنه وشرارات الغضب تتطاير من عيونه.
دب الخوف بجسمي من نظراتي وبهاللحظه حسيت بخطأي ومااطمئنيت لنظراته ابد
لحظات من الحذر والترقب
صاح ع امي بنفاذ صبر اماليد تعالي
امي اشرتلي ع مكان كالت دخلي انت واخواتج هنا هسه اجي.
دخلت للمكان الي اشرتلي عليه شفته مطبخ.
بقينه واكفين. دقايق وعله صوتهم ووياه صوت ت**ير وغلط وض*ب حضنت خواتي وخفت ومااعرف شنو الي جاي يصير.
للحكايه بقية ...
- Writer
