رضوان
2083 Words
#لم_تكن_خطيئتنا
الفصل السابع
نورا ناصر.
تفاجأت اشون يغلط عليها!
كرهني بالزلم وبالزواج وبالحياة.
بعد هذا كله حسيت اني بين نارين نار ابوي الي انهزمت منه ونار امي وزوجها والنارين راح تحرقني.
مو خوش موقف خليت نفسي بي وجرجرت خواتي وياي وللمجهول اني شون غلطت وانهزمت
،غلطة الشاطر مليون ياسميه.
صفا خايفه وترجف، رقية وجهه وحركاتها كلها متسائلة. شجاي يصير وليش اخواتي خايفات.؟
حمدت الله انها **اء ماتسمع الي جاي اسمعه انه وصفا حتى لااتخاف.
استوطن الخوف قلبي وصارت هذه الدقايق سنين واتمناهه تخلص حتى اعرف شراح يصير النا، !
صفا:ولج سميه شراح يصير بينه وهذا مبين شراني ومابقلبه رحمه رجعينه لابوي.
سميه: اذا ارجع يذ*حني ع القبله والله.
:لعد شون لج سمعي خاف يكتلهه ويجي يكتلنه.
:عندي فكرة انتم روحوا لابوي وكلوله الخطأ مني وانه ابقى هنا واتحمل شسوي!
بهالاثناء سمعنا صوت باب انرگعت، بعد دقايق ودخلت امي ومبين ع وجهه الاضطراب.
تحجي سريع وتاشر ومتباوع بوجوهنه
كالت يلله تعالن لغرفتكم حضرتهه انه.
سميه: اوكفي يعني انت تركتي ابوي ع مود هذا! !
:شجاي صخمين ولج؟
:جاي اسألج تركتي ابوي عمود هذا واشر بيدي ع حيا الله مكان.
تقربت مني ورفعت اصبعها وحجت بحرقة قلب من صدك
: خليها ترجيه باذنج ماكو رجال يتزوج مره خاينه زوجها ويا! !
: ترجيتج هي لو صدك اشلعها من اذني شكرا انا محافظة على نفسي كولي لبنتج هالحجي واشرت ع صفا.
صفا/انحرجت وباوعت لسمية بخزر ودنكت راسي.
اماليد: يمه فدوه بنتي كبرت وصارت تحب خليها شتردين منها.
سمية:تهي بهي اي والله. هسه شنو يعني زوجج مايريدنه ليش ماكتيلي؟
:لا مو هيج بس هو مايقبل اخذكم بهالطريقة يريد اتفاهم ويا ابوكم يلله.
اماليد سحبت كرسي من يم ميز الطعام وكعدت عليه
سميه واكفه وصفا كعدت ،رقيه تفتر بالمطبخ شافت مواعين بالسنك شكلت ملابسه وبلشت تغسل.
اماليد: لاتلوميني سمية اتزوجت ابوج وبعدني بمقتبل العمر، ماشفت شي من حياتي تزوجني وكبل حبسني وصرتوا انتوا واللتهيت وياكم.
سميه: بس ابوي جان يحبج الهسه اتذكر من تتمرضين جان اول مايجي من شغله يسال اذا اخذتي الدوا او لا هي غير من جانت حالتج كلش يبقى وياج ويغيب عن دوامه ويركض وراج حتى تاخذين ادويتج ويسويلنه اكل ويغسل ملابسنه وكلشي يسوي بس انحرافج اثر عليه وغيره 180درجه.
: وهسه شتردين الي تردين توصلين اله شنو سميه خاتون؟
:ماريد !بس انت كلتي ماشفتي من حياتج شي.
هي الي تتزوج تصير حياتها مو ملكها
تنذرها لاسعاد زوجها واطفالها.
: يلله امشو لغرفتكم احسن بدل هاللغوه الزايده.
طلعنا من المطبخ وجاي نمشي بالموزع
گتلها اي ماما هذا وين طحتي بي رجلج وين لكيتي بلله
:مايخصج ويلله تعاي.
دخلنا للغرفه جانت حلوه وجبيره وكل شي بيها وردي
بس اني احس عايشه بواقع اسود والخوف مسيطر عليه ومتملكني.
خوفي من ابوي ومن رجل امي طغى على اي حلم وردي بداخلي وصبغه باللون الاسود.
تارسه النا الكنتور ملابس ،ظلينه نباوع ونجيك ونتزاحم ع الملابس وانوب قياساتنه وبالمضبوط موهينه يااماليد.
بعد ماارتاحيت شويه انتبهت ع البيت كلش حلو ومرتب.
تعشينه وكملنه، دخلنه لغرف*نا
عرفنه زوجها اجه بعد ماطلعنه
رقيه نامت وصفا كاعده وصافنه
اني متمدده ع السرير تكلمت بدون مااباوع الها
:ها صفا بشنو تفكرين
:كولي بشنو مافكر.
:يايا الله يساعد راسج ع التفكير هذا اكيد تفكرين بكفران اسلام وراسج يتوسلج لتفكرين بهالعار هذا بس ماكو فايده منج.
:اي هم جاي افكر بي،انقهرت عليه هوايه ظلمته.
طفرت يمها اكلج بمنو جاي افكر بعد بس لاتصيحين.
:كولي كولي تعودت على بلاويج.
:هذا الولد الي دائما يباوعلي شكله حلو ونظراته تحجي.
:عدها ل**ن وتحجي؟
:سمية جاي اسولفلج تره ماعندي ويا شي مجرد نظرات عابره مابينا شي.
:خلي اكلج شي صفا تذكرين امي شون جانت معززة مكرمه عند ابوي؟ تذكرين شون جانوا الكل يحترمونها؟ اشبها بقطرة المطر الي تنزل من اعالي الغيوم شي توكع ع المزارع وتسقي النباتات وشي يوكع بالانهار وتزيد منسوب المي وشي يوكع بالشوارع وتحديدا جوه اقدام البشر حتى تصير مداس لرجلينهم هيج امي بعد ماصعدها ابويه للفوك بدلاله واحترامه نزلت من قدرها بفعلتها وتصرفاتها االباطله شوفي حتى هذا زوجها مايحترمها.
صفا ردة فعلها ع كلامي جامدة ولاكانه احجي وياها
:هههه مية مره كتلج لا تمثلين دور الناصحه وياي! !
:ماجاي امثل ياحماره ياغ*يه اريد مصلحتج هي السوالف ماتفيدج بعدج زغيره ووراج كليه هناك تشوفين اشكال اللوان اختزلي شويه انت هسه عندج نقص عطف وحنان وتردين تعوضين.
: خليني افكر بفراس ههههاي لج والله صاك.
:ض*بت ع كصتي اخخ توجعت لعد واسلام؟
:اسلام كلالي بعد ماباوع بوجهج اذا شردتي.
خاف مايباوع بوجهي خلي خلي هذا احتياط.
:طاح حظج وصبغج والله انت مثل اماليد ومااصيرلج جاره.
:لاتنسين انت ابيتها وتحجين عليها شهالتناقض !؟
:تن**ر رجلي يوم طلعت من بيت ابوي ع اقل جانت تحملته ابويه وتاج راسي ولاتحمل هالغريب هذا!
:هه خليني انام واحلم بفارس احلامي الجديد هه.
:وجع حتى وجع تف حتى تف هنا تاكدت بمستقبلج مصخم ملطم، تغطيت وافكر بحال ابوي ومستغربه ليش لهسه مااجه علينه فعلا غريبه!
نمت ويوم ثاني كعدنه تريگنه امي كالت راح اخذجن للصالون نسوي نيوولوك.
خواتي فرحنه حتى رقيه هم بس اني الفرحه غايبه عني ومزاعلتني حاسه ماراح تعدي هالفتره ع خير.
رحنا للصالون وعرف*نا ع البنات الي هناك.
وبلشن خواتي يختارن الالوان الي راح تصبغ شعرهن.
اني شعري اسود وعاجبني بس هي طلعت النه كتلوكات عجبني لون بني محمر.
صفا اختارت اشقر ذهبي وعليه خصلات. ورقيه اشقر دخاني.
وهي لبت طلباتهن.
اني بقيت فاكه حلكي يربي شهالالوان مالة عرايس صوت بداخلي يسكتني مو انت الجبتيهن لعد اسكتي
سكتت.
اجه دوري شوفتها اختياري گالت
-الله هنا الذوق والنزاكه انت حنطاويه راح يصير اللون عليج اشرد.
كعدت ع الكرسي وصبغته الي خلصت وغسلته كلتلي راح اسويلج خصلات اشقر غامق.
ماريد لاتسويلي
ولج يصير يجنن متداخله بالشعر ورفيعه وقليله كلش حلو راح يصير.
اوك،
سوته الي غسلته وسشورته صدك حلو صار.
اماليد: يلله خل ارتب حواجبجن.
سميه: لا الحواجب عوفيهن، بلله الشعر جوه الحجاب بس الحواجب لاتدنيين الهن.
صفا:طفرت للكرسي سويهن الي معليج بيها.
سميه: لج صفيه كعدي راحه.
صفا: معليج!
سميه " ماكدرت احجي تركتهن، عدلت حواجبهن نظفتهن وبقتهن ع ثخنهن.
وصلت لرقيه، كتلها ماما رقية صغيره عوفيها ع طبيعتها احلى.
اماليد: وهسه اني شمسويتلها هي باقيه ع طبيعتها
كعدتها ع الكرسي كرصتها من خدها: فديت الشامه التخبل.
ونضفت وجهه وحواجبها وذيج مكيفه بلون شعرها.
اخذتنا لبيت اهلها اول ماف*نه حصلتلها رزاله من خالي جابر شون تخ*فنا من ابونا وهي ولاكانما يرزلها بس تضحك وتگول انتصرت عليه من كد خوفه حتى مااجه عليهن.
سميه '" حجيت بقلبي الله يعلم شنو من ضميمة ضاملنه ابوي،
سوت النا مرة خالو جابر العشا كعدنا كلنا نتعشه
وبيبي ام اماليد ويانا واولاد خالي هم.
رجعنه للبيت ونظرات زوجها المخيفه تلاحگنا رأساً دخلنه لغرف*نا ونمنه.
ومرت شهرين من اليوم الي طلعنه بي من البيت بالضبط.
يوم منهن الظهر اجه ثائر زوج امي معصب صار صياح بينهم ركض دخلنه لغرف*نه سمعته يكللها شايفينج صعدتي بسيارته.
اماليد بصيااح: مابينه شي ردته يوصل بناتي ضاجن بالصالون خو ماخليهن يرحن وحدهن
ثائر: نعله عليج وعلى بناتج بنااااتج مووووو؟ !!!
دقايق ودخل علينه وعيونه تخوف
ثائر ضخم واحنه تقريبا ناعمات.
جرجرنه من الغرفه احنه الثلاثه.
سمعت صوت امي من داخل الغرفه تض*ب بالباب وتكوله عوف البنات عوفهن.
عرفت قافل عليهه الباب من بره
مجنت اعرف شنو الي يدور براسه.
خفت كلش.
دخلنه بالسياره.
بايده الي عبالك من حديد
حسيت راح يخلعها.
نبجي ونرجف ورقية منهاره
حرك السياره وخوفنا زاد منعرف وين راح يودينه وشنو النا علاقه احنه بلي صار ويا ووي امي!
شنو ذنبنا مو خطأنه ليش الكل يحاسبنا على خطأ امي ليش،!؟
ظل يمشي بالسياره وماادري وين مودينا واحنه من الخوف بس كاعدين وساكتين.
حسيته مشتت ومحتار.
ظليت اقرا اية الكرسي بقلبي وارددها مرارا وتكرارا.
بعدها شفته هدأ مدري كلمات اية الكرسي الي طبعت ع ل**ني وارددها بخوف اثرت عليه.
ودانه لطريق ازدحام واحنه ولا كلمه
ظل ينتظر ماكو مافك الازدحام
طلعنا من هالطريق الي هو بالبراضعيه ع طريق القنصليه الايرانيه وجان بوقتها ازدحام خانق.
فرانه ع طريق القصور.
وهم جان ازدحام حسيت صبره نفذ ،كال نزلوا هنا
نزلنا بسرعه بسرعه بس نريد نخلص
جان وقتها ظهر ساعه 4 وشهر 9 والجو حار.
بقينه واكفين والناس تباوع النا وكلش خايفين.
واحنا بملابس البيت، اني لابسه دشداشه نص ردن قماش فانيله لونهه رصاصي غامق وفضفاضه وشال ع راسي.
صفا تراك جلد النمر نص ردن ويادوب مخليه شال ع راسها.
رقيه بالتراك ونعالات ابو الاصبع.
بقينه واكفين بالشارع ومنظرنه يخزي وننتظر رحمة الله وماادري شراح يصير بينا.
صفا
بقينه واكفين واحاول استر نفسي بالشال
نظراتي كلها للاسفل وخايفه
رفعت راسي باوعت واحد يباوعلي
حالتي يرثى لها ومجنت اعرف او اميز احد
باوعت مره ثانيه بخوف لان تظراته قلقتني
شفته واكف يم سيارته انابهت عليها الستار** نفسها وهذا فراس!
اشو عبر الشارع وجاي باتجاهنه.
درت كلي ونطيته ظهر .
سمعت صوته قريب علينه
:محتاجين شي؟
واجاه صوت سميه بنتر وصوت يرجف
:لاعيني مادازين عليك احنا.
سمعت خطواته ابتعد وراح.
باوعت لسميه
ولج سميه شراح يصير بينه كلها منج.
:كلها مني؟ ؟ اليسمعج ماتونستي هناك وصبغتي شعرج! !
:اكلج تره هذا الولد اعرفه
:صخام صخمج منين تعرفينه هذا بعد.
: هذا جيرانه فراس وبيبي هم تعرفهم
:لعد ماعرفتي تحجين جان وصلنه للبيت.
:وين ولج نروح للموت برجلينه وعلى ايد ابوي انه مااروح خابري امي تجي تاخذنه.
:لا مفر لازم نرجع لابوي والا وين نولي.
:ولج نخابر امي تاخذنه حتى لو تودينه بيت خالي.
:منيلي تليفون هو زين من لابسه نعال جان جابنه حفااي.
بعد وقت تعبنا وكعدنا بالارض رقيه متفهم شي وكل شويه اطمنها بالاشارة.
واكيد حاسه لان دشوف الخوف بعيونه وتفهم.
بس متت من صار بوجهي اسلام تمنيت ميته تمنيت مامخلوقه حسيت وجوده كبالي كله شماته.
عيونه جانت كلها تبث شرارات غضب وهيئته متشنجه عبالك شايف عزرائيل مو شايفنا
وجهه يتصبب عرگ.
گال ها خاتونات شرف*ن كدامي يلله صعدن بالسياره
فتح الباب صعدن خواتي وانه بالاخير
صار وراي خله ايده على زندي ودفعها حسيت حرارة ايده ع بشرتي تجويني
كال وهو صاك ع اسنانه يلله شرفي.
مانطقت واصلا شنو اريد اكوول. !
صعدت.
طول الطريق مارفعت راسي والكل ساكت بس صوت انفاسنه المضطربه نتيجة الخوف من الي راح يصير النا بسبب فعلتنا الغ*يه .
وصلنا للبيت ونظرات اسلام احسها كلها عليه ومبين كلش معصب جاي احسه.
دخلنه للبيت صارت كبالنا بيبيتي.
انصدمت بشوف*نا
صاحت ولجن ابوجن محضر الجداحه والصونده.
سميه كعدت بهدوء لكن بداخلها الخوف والرعب مسيطر عليها .
صفا:ببجي ونحيب لابيبي عفيه لاتخلينه يكتلنه. !
بيبي: ليش هيج يابيبي ليش مو انتن تعرفنه كلش زين ترحن تشردن ويا امجن هسه شيفكجن منه.
اسلام :بيبي لاتخلينهن يطلعن بعد وانه واكف بالباب انتظر عمي يجي.
طلع اسلام واحنا بقينا ميتين من الخوف اليوم لا مفر من الكتله.
بقينه لابدين وره بيبيتي ونتوسل بيها تحمينا.
سمعنه صوت ابوي وهو يصيح وينهن.
اجاك الموت ياتارك الصلاة صرنا نتراجف اكثر
سميه ولا كلمه بس انه صرخت دخيلك يابه سامحنه
اخذنا انه وسميه والصونده بيده
رقيه تجرجر بي وتتوسل بس هو ماانتبه الها مو مثل كل مره.
ودانه لغرف*نا دخلنه وسد الباب وصياح رقيه وبيبي وحتى اسلام ع الباب يحاجونه مايكتلنه بس هو ولا يمه عبالك ماكو بالعالم بس احنا الثلاثه.
ايوب :مصخمات الوجه رديتن هاا؟ ونوب ميشتلكم هم خاطفتكم وهم صابغه شعرجن متونسات هناك هاا لحد ماشمرتكم.
سميه: يابه بس خل احجي فدوه.
:شتحجين صخام وجهج هاا؟
:لا بس والله صفا ماعليها انه كله مني تواصلت ويا امي وكتلهن نطلع.
:صفا راح تنكتل لانها مو جاهله وانت راح تنكتلين
اكثر منها.
رفع ايده ووزع الض*ب بينا.
الوجع ماينوصف بكل مكان بجسمنا انض*بنا اصوات الامنا ماشفعت النا.اختنگنا وماكدرنا حتى نتنفس من كد البجي.
بيومها انض*بت ض*ب المطي ماانض*ب مثلي
احس جلدي انسلخ عن جسمي.
بقينه طول الليل نون.
انين وكلمات مامفهومه.
نهذي ونبجي
يمكن تعلمت من خطأي يمكن انا غلطانه اكيد وميه بالميه لكن منو سبب هذا الغلط؟ !
الاب الي مااحتضني الي حملني ذنب امي الي يض*بني بالطالعه والنازله ويهيني صح اني اريد افرض شخصيتي واحب اجادل وارادد بس المفروض يعاملني احسن من هالمعامله يكعد وياي يصادقني اني بعدني مراهقه وبلحظة كل شي اسوي تصرفاتي مامسيطر عليها جان الكلام يفيد اكثر من الض*ب لكن عقل متحجر ومايفكر قبل لايسوي اي شي تمنيت اني خرساء او حتى عميه حتى يعاملني مثل مايعامل رقية يعني لازم اطلع بيه شي مرض حتى احصل شفقه منه ليش؟ .
بقينه فتره حالتنه صعبه اثار الض*ب بعدها نكعد من النوم مخروعين واحس لهسه الصونده تصعد وتنزل علينا.
صرنا نتجنبه وهو هم مايشوفنا بس يجي ندخل للغرفه ومانطلع بس رقيه ويا ويا قايمه بكل واجباته اما احنا معتكفين.
بيبي كل شوي تمر علينا ولهسه تلومنا ليش هيج سويتن احسللجن هيج.
جنت اتمنى استعيد ل**ني وارد عليها واكلها كافي شبعت خلينا انسى لكن بعد ذاك اليوم كل شي تغير
بيه.
احس خسرت نفسي وقوتي مو لان نض*بت وبس لا لان انخذلت من اقرب الناس وهي امي جان تصرفها مامتوقعته اخذتنا بدون موافقة زوجها جنت متوقعته غير شي،
بعد ماسمعنا عنها خبر وجنت اتمنى اعرف شصار وياها!
ماامتحنت فاتني امتحان الكيمياء ومااعرف دراستي هالسنه شلون لان بلش الدوام واحنا ماداومنا.
بالليل كاعدين بالغرفه انا وصفا
صافنين.
اكلنا قليل كلامنه اقل.
دخل علينا ابوي ومتنا خوف
خاف ليكتلنا واحنه مامسوين شي.
ظل يباوع النا خليت عيني بعينه حسيت بيها ندم وغضب بنفس الوقت.
گال سمعي ولج سميه انه انطيتج لرضوان ابن عمتج
واعتراض مااريد مفهوووم؟
يتبع …
ا❤ا
- Writer
