JOSHUA'S POV
Habang ginagalugad ng mga pulis ang bahay namin ay hindi ko iniwan si Jia. Alam kong maaaring ma-frame-up ako pero mas pinili ko ang manatili sa tabi ng nobya ko para maprotektahan siya. Hindi man ako handa sa mga magaganap ay tanging kaligtasan ni Jia ang prayoridad ko.
Nang lagyan ako ng posas at sikmuraan ng isang pulis ay nananalangin akong huwag sana nilang saktan ang babaeng mahal ko. Hanggang nasa paligid ko si Jia ay kailangan kong maging matatag. Alam ko kasing kahit nagpapakita siya ng katapangan ay mahina rin siya katulad na lang ng nangyari sa kan'ya ng mga nakaraang araw.
Halos madurog ang puso ko habang nagmamakaawa si Jia sa mga pulis na dumakip sa akin. Nang sumalampak siya sa kalsada ay gustong-gusto ko siyang yakapin at itayo ngunit unti-unti na siyang n
