JIA'S POV
Napahindik ako sa takot sa dalang matataas na kalibre ng baril ng mga pulis. Hindi ko alam ang gagawin dahil para akong itinulos sa aking kinatatayuan. Napatingin na lamang ako sa mga mukha nila.
"Nandiyan ba si Joshua Agroson? Mga pulis kami. May dala kaming search warrant," sabi ng isang pulis.
"Jia, sino ang dumating? Bakit ang tagal mo?" tanong ni Joshua.
Papalapit siya sa akin habang ipinapalo-palo ang hawak niyang t-shirt sa hubad niyang katawan. Nang makita niya ang mga pulis ay nagulat din siya ngunit magalang siyang bumati.
"Good evening, Chief. Ano'ng atin?" inosenteng tanong ni Joshua sabay bukas niya ng screen door.
"Ikaw ba si Joshua Agroson?"
"Opo, sir. Bakit?"
"May search warrant kami sa bahay mo." Ipinakita ng pinuno ng mga pulis kay Joshua ang papel
