JIA'S POV
Lumabas si Joshua ng silid habang nag-uusap pa kami ni Drey. Hinanap ko siya sa mama niya ngunit hindi raw nila ito nakita kaya bumalik ako sa ikalawang palapag ng bahay nila para puntahan siya sa silid niya. Tiyak kong naroon siya at baka nagsimula na namang maglaro.
Nang matapat ako sa silid niya ay napaurong ako. Biglang bumalik sa isip ko ang tagpong nakita ko roon. Nanginginig ang mga tuhod ko habang humahakbang ako palayo.
"Saan ka pupunta?" biglang tanong ni Joshua. Marahil ay narinig niya ang mga yabag ng paa ko kaya bigla siyang napalabas.
"W-wa-la," sabi ko. "Magpapaliwanag lang sana ako tungkol sa tawag ni Drey."
"Masama ba ang pakiramdam mo? Bakit namumutla ka?" tanong ni Joshua.
Umiling ako ngunit nakalapit na si Joshua sa akin. Sinalat n'ya ang aking noo. K
