NIYAKAP ni Daphne ang sarili nang makaramdam siya ng panlalamig habang sakay na sila ng kotse ni Alessandro pauwi ng mansion pagkatapos niyang sabihin dito na umuwi na sila. Gusto na kasi niyang umuwi dahil gusto na niyang magpahinga. She was physically and mentally exhausted right now. At pakiramdam niya ay anumang sandali ay babagsak na ang katawan niya. Hindi naman siya pagod kanina sa trabaho pero napagod siya sa muntikan ng mangyari sa kanya.
At kahit na ibinigay ni Alessandro sa kanya ang leather jacket nito ay hindi pa din iyon nakatulong para hindi siya lamigin. Siguro dahil sa muntikan nang may mangyari sa kanya kung bakit ganoon ang nararamdaman niya at idagdag pa ang lakas ng aircon sa loob ng kotse.
At mayamaya ay mula sa gilid nang kanyang mata ay nakita niyang kumilos si
