NAPATINGIN si Daphne sa cellphone na nakalapag sa ibabaw ng bedside table niya nang tumunog ang ringtone niyon. At nang tingnan niya kung sino ang tumatawag ay nakita niya at nabasa niya na ang Mama niya ang tumatawag sa kanya ng sandaling iyon.
Agad naman niyang dinampot ang cellphone para sagutin ang tawag nito. "Hello, Ma," bati naman ni Daphne ng sagutin niya ang tawag.
"Daphne," sambit naman ng Mama niya sa pangalan niya mula sa kabilang linya.
"Napatawag po kayo?" mayamaya ay tanong niya kung bakit tumawag ito sa kanya. "May problema po ba?" Napaayos din siya mula sa pagkakasandal niya sa headrest ng kama sa tanong niyang iyon. Hindi din niya maiwasan ang makaramdam ng pag-alala.
"Wala namang problema, Daphne," sagot naman ng Mama niya. Medyo nakahinga naman siya ng maluwag sa s
