NAKATUTOK ang tingin ni Daphne sa blueprint na nakalatag sa ibabaw ng table. Kailangan na kasi iyon ng Papa niya bukas. Kailangan pa kasi ng approval ng Papa niya ang blueprint na gawa niya bago i-present iyon sa big client ng firm nila.
Habang nakatutok ang atensiyon niya sa blueprint ay kinuha naman niya ang baso na may lamang mainit na kape na pinatimpla niya kanina sa kasambahay sa mansion para naman hindi siya antukin sa pagta-trabaho niya sa gabi.
Akmang iinom siya do'n nang mapahinto siya nang mapansin na wala na palang laman ang baso niya ng kape. At nang mapansin niyang wala na ay tumayo siya mula sa pagkakaupo niya para mag-refill ulit ng kape. Mamaya pa kasi siya matutulog dahil mayro'n pa siyang kailangan tapusin. At para hindi pa siya antukin ay iinom siya ng kape.
Binuks
