INILIBOT ni Daphne ang tingin sa paligid. Hinahanap kasi niya si Alessandro, umalis kasi ito sa tabi niya kanina at hindi naman niya alam kung saan ito pupunta dahil hindi naman ito nagpaalam sa kanya. Basta na nga lang ito tumayo mula sa pagkakaupo nito sa tabi niya at saka ito naglakad paalis.
Humugot naman si Daphne ng malalim na buntong-hininga bago siya tumigil sa paghahanap kay Alessandro kung nasaan ito. Hindi naman siguro siya nito iiwan do'n, siyempre, ito ang nagdala sa kanya do'n dapat ito din ang mag-uuwi sa kanya.
Tumingin naman si Daphne sa kopita na may lamang alak na nasa ibabaw ng mesa kung saan siya nakaupo. Dinampot naman niya iyon, pinaikot-ikot niya iyon sa kanyang kamay bago niya dalhin sa labi niya para sumimsim.
Naramdaman naman niya ang pait at init niyon sa k
