UMIIYAK si Daphne habang yakap siya ng Mama niya.
"Wala bang nakita sa CCTV footage kung sino ang nag-abot niyon dito?" matigas ang boses na wika ng Papa niya sa head ng security ng firm nila ng ipatawag ng Papa niya ito matapos ang nangyari. Mababakas din sa ekspresyon ng mukha ng Papa niya ang galit na nararamdaman nito.
Dahil iisang floor lang ang kinaroroonan ng opisina nila ay narinig nang mga ito ang pagsigaw niya. Sakto din na pupunta sana ang Papa niya sa opisina niya para sana kausapin siya ng marinig din nito ang sigaw niya.
At ngayon ay pinapa-imbestigahan nito kung sino ang nagpadala niyon sa kanya. Para sa kanya kasi ay isa iyong death threats.
Wala na ang naturang box sa opisina niya, pinaalis na iyon ng Papa niya at nasa kamay na iyon ng security para ibigay sa kinauu
