PAGKALABAS ni Daphne sa banyo na nasa loob ng opisina niya ay natigilan siya ng mapatuon ang tingin niya sa sofa na naroon at nang makita niya kung sino ang nakaupo do'n.
"Hi," he greets her in a deep and baritone voice.
Napakurap-kurap naman si Daphne ng mga mata habang nakatingin siya sa bisita niya ng sandaling iyon. "Anong...ginagawa mo dito?" tanong niya sa halip na gumanti ng bati dito.
Napansin naman niya ang bahagyang pagtaas ng isa nitong kilay habang nakatingin ito sa kanya. "Am I not allowed to visit my wife's office?" tanong nito, bahagya na naman nitong idiniin ang salitang 'wife' sa kanya.
Saglit naman niyang kinagat ang ibabang labi. "W-wala naman akong sinabi," wika niya dito.
Nagulat lang siya sa presensiya ni Alessandro nang makita niya ito. Hindi kasi niya sukat
