KINABUKASAN ay maagang nagising si Rhodri dahil sa malamig na hangin na tumatama sa kan’yang balat. Sinadya niyang buksan ang bintana ng buong magdamag sa kagustuhang makalanghap ng sariwang hangin.
Nasa tuktok ng gusali ang suite na pinili niya, kaya mula sa bintana ay tanaw niya ang magagandang tanawin ng buong Leon Lee's Resort.
“Wow!” Tanging nasambit niya habang pinagmamasdan ang kulay asul at berdeng tubig ng dagat.
Nang makaramdam siya ng gutom ay agad siyang nagpalit ng Hawaiian short at puting T’shirt, saka bumaba sa main floor at pumunta sa restaurant.
“Rhod!” Napalingon siya nang marinig niya ang boses ni Tatay Pedring.
“’Tay Pedring, good morning po sa inyo,” nakangiting wika niya.
“Ganoon din sa ‘yo, Rhod. Ang aga mo yatang nagising, ah!”
“Nagugutom po kasi ako, ‘Tay
